Archive - 2 Авăн, 2015 - Хыпар

Диетологсенчен хăшĕ-пĕри апатра çупа пачах усă курмалла мар тесе çирĕплетет. Теприсем вара организма тутлăхлă япаласен виçĕ ушкăнĕ те - белоксем, углеводсем, çусем - кирлĕ тесе палăртаççĕ. Хăшĕ тĕрĕсрех-ши? Д. Бровко диетолог асăрхаттарăвĕсемпе паллаштаратпăр.

Вĕсем кирлĕ!

Начарланас тĕллевпе рационран çусене кăларакансем йăнăш тăваççĕ. Çакна пула иммунитет хавшать тата гормонсен шайĕ пăсăлать.

Ачана садике ярсан е килте асламăшĕпе пĕрле шкулчченех хăварсан лайăхрах-ши? Танлаштарса пăхар-ха.

Пирĕн çÿçе темĕн те сиенлĕ витĕм кÿрет: хĕвел, шăрăх, сивĕ çанталăк, çил... Ăна пирĕн асаннесемпе кукамайсем усă курнă рецептсем пулăшма пултараççĕ.

Тăкăнасран

• Упа хăлхин /коровяк обыкновенный/ 2 апат кашăкĕ вĕтетнĕ типĕ çулçипе чечекне 1 литр шыва ямалла, вĕреме кĕртмелле, вăйсăр çулăм çинче 15-20 минут тытмалла. Сивĕнсен сăрăхтармалла. Шĕвекпе пуç çумалла.

Вĕлтренпе, сысна курăкĕпе /спорыш/ е армутипе çакăн пекех усă курмалла.

Пĕлÿ кунĕ çитрĕ те - çĕнĕ вĕренÿ çулĕнчи пĕрремĕш шăнкăрав пин-пин ачана шкул партти хушшине ларма йыхăрчĕ. Ăçта мĕнле пуль те, Чăваш Енре çанталăкĕ те çĕкленÿллĕ туйăма тата вăйлатас тенĕн лайăх килсе тухрĕ: кĕрхи сулхăна сап-сарă хĕвел «çемçетес» тесе питĕ тăрăшрĕ.

Ялав - чыспа паттăрлăх символĕ

Кам вăл Рита Арти?

Ялав мĕн авалтанпах чыса, паттăрлăха тата мухтава сăнарлакан тĕп символ шутланнă. Ахальтен мар ĕнтĕ ăна çар чаçĕсене панă. Хальхи вăхăтра вара Раççей Президенчĕн Владимир Путинăн Указĕпе килĕшÿллĕн çĕршыври пĕтĕм вăй ведомстви валли Ялавсем çирĕплетнĕ. Халĕ çак реликви Чăваш Енри çăлавçăсен те пур.

Ырă кун пултăр, «Хыпар» ĕçченĕсем!

Сирĕн пата «Хыпара» юратса вулакан Ольга Иванова çырать. Юлашки вăхăтра хаçатра интереслĕ материалсем нумай пичетленеççĕ. Тавах уншăн. К.Иванов çулталăкĕнче литературăна кашни номертех тенĕ пек тивĕçлĕ вырăн пани савăнтарать. Нумай çырса каяс мар. Сăмахăм - Рита Артин темиçе номерте тухнă «Куçăхнă телей» калавĕ пирки.

Манăн шухăшпа, ку - литературăра уçнă çĕнĕ çерем. Калав чуна кисретрĕ, чĕрене чĕтретрĕ. Хĕрарăмăн мĕскĕн шăпине хырăмри ача туйăмĕсем урлă уçса пани ытла та вăйлă! Калава темиçе хут вуласа тухрăм, кашнинчех - куççульпе...

Хисеплĕ редакци, пултаруллă автор çинчен те пĕлес килчĕ. Кам вăл Рита Арти? Ку мана кăна мар, ытти вулакансене те интереслентерет пулĕ. Ун çинчен каласа кăтартсан аванччĕ. Сĕнĕве шута илессе шанатăп.

"Хыпар" хаçатра телекуравсен программи, çав шутра - Чăваш наци телевиденийĕн те, пичетленет. Шел, эпир ăна пăхаймастпăр. Мĕнле курма пулать-ши? Çапла пултăр тесен мĕн тумалла-ши? Ку ыйту мана кăна канăçсăрлантармасть вĕт!

Етĕрне районĕнчи Пĕрçырланти культура çурчĕ çумĕнчи «Сăр Ен» фольклор ушкăнĕ тарăн шухăшлă, авалхи чăваш юррисене шăрантарни çинчен темиçе çул каяллах илтнĕччĕ. Хăйсемпе курса калаçма та ĕмĕтленеттĕмччĕ. Ку тинех пурнăçланчĕ.