Archive - Утă 2015 - Хыпар

"Чăваш Республики студентсен ĕç отрячĕсен юхăмне аталантарас енĕпе малти вырăнсенчен пĕрне йышăнать, уйрăмах вожатăйсем нумай.

Элĕк районĕнчи Ехремкассинче çуралса ÿснĕ Олег Михайлов ял пурнăçне питĕ килĕштерет: "Ялта питĕ лайăх, сывлăш мĕн тери уçă! Уй-хире каятăп-и е вăрмана кĕрсе тухатăп-и, е тата урăх çĕре васкатăп-и - йĕри-тавра куç тулли илем! Вĕçен кайăксен юрри чуна çĕклентерет.

Пирĕн республикăра çамрăксене тĕрлĕ енлĕн пулăшма тăрăшаççĕ, çав шутрах - пурăнмалли çурт-йĕр условийĕсене лайăхлатма та. Хваттер туянма е çурт хăпартма субсидие тивĕçес тесен вĕсен вырăнти хăйтытăмлăх органĕсенче черетре тăмалла.

Аслатипе çиçĕмрен мĕн пĕ­чĕк­­рен хăраттăм. Тÿпене хура пĕлĕтсем хупăрласа илсен, таçтан аякран кĕмсĕртетни илтĕнме тытăнсан шикленнипе вырăн çине кĕрсе выртаттăм, пуçа утиялпа хуплаттăм.

Пăрчăканпа танлаштарас килет ăна. Çулĕсемпе ватлăхалла кармашнă пулин те яланах вăр-вар, йăпăр-йăпăр çÿрет вăл. Кунĕпех килти хушма хуçалăхра кăштăртатать. Ирĕклĕрех вăхăт тупăнсан - тÿрех хаçат-журнал, кĕнеке вулама пикенет, сăмахкаçмăш тупсăмĕсене тупать.

Çулла - çырла, курăк, чечек, пахчаçимĕç вăхăчĕ. Анчах сиплĕ курăка та пĕлсе тата хăйĕн вăхăтĕнче пухмалла. Унсăрăн курăк сыватма кăна мар, чире яма та пултарать-мĕн...

Кавăн евĕр пахчаçимĕç

Пĕлме интереслĕ

Тухăçа ÿстерме

Пуховик çăватпaр

Кабачокпа патиссон. Вĕсем кавăн шутне кĕреççĕ, анчах уйрăмлăх та пур. Çимĕçĕсене çамрăклах татса апат-çимĕç хатĕрлеме усă кураççĕ. Кабачокăн çимĕçĕ цилиндр евĕр пулать. Унăн тĕввисем тытăнсан 7-12 кунранах, вăррисем пулма пуçличчен, ăшаласа çиеççĕ, пăшăхлаççĕ, хĕле валли кабачок вăлчи хатĕрлеççĕ, маринадлаççĕ. Патиссон çимĕçĕ лаптак. Ăна тата та иртерех, 3-5 кунранах, татса маринадлаççĕ, ăшалаççĕ.

• Пирĕн ÿт-пÿ атомсенчен тăрать. Çав атомсем çăлтăрсем пулса кайнă тапхăрти евĕрлех.
• Нейтрон çăлтăрĕн тĕввине /ядро/ апат кашăкĕ чухлĕ илсессĕн унăн йывăрăшĕ 90 миллиард фунт /43 миллиард кг/ тайнă пулĕччĕ.
• Хĕвел системине пĕчĕклетсе Çĕре пăрçа пысăкăш хăварас-тăк Юпитер пăрçа-Çĕртен 300 метрта вырнаçĕччĕ, Плутон вара Çĕртен - 2,5 çухрăмра, унăн калăпăшĕ бактери пысăкăш юлĕччĕ. Пире чи çывăх çăлтăр Проксима Центавра Çĕртен 16000 çухрăм аякра пулĕччĕ.