Archive - 2016

Улттăмĕш класра вĕренекен Юлиана Гаврилова икĕ çул каялла хăйсен класне хула хĕрачи Лиза Рыбакова килсен мĕн тери хĕпĕртерĕ! Хăвăрт туслашрĕç вĕсем. Хăйсенче пĕрпеклĕхсем чылай пулни те çывăхлатрĕ ахăртнех. Çитменнине пĕр парта хушшинче те ларма килĕшсе татăлчĕç.

Тăххăрмĕш класра вĕренекен Оля Алексеева ĕçчен те ăста хĕр-упраç. Мĕншĕн тетĕр-и? Ара, шкулти пĕр уяв та, мероприяти те унсăр иртмест-çке. Вăл кашнинчех Марина тусĕпе пĕрле ертÿçĕ тивĕçне пурнăçлать. Вĕрентекенсен шанчăкне те тÿрре кăларма тăрăшать пике - яланах вĕсене пулăшма васкать. Тантăшĕсемпе те çаплах.

Илемлĕ те янăравлă сасăллă пулас килет-и? Сирĕн валли пĕр сĕнÿ пур - юрламалла. Шÿт мар ку, чăнласах çапла. «Сăмах чĕнме те юрамасть пулсан мĕн тума кирлĕ сас?» - тенĕ Петĕр Эйзинăн пĕр сăввинче. Сăмах чĕнмесен, юрă юрламасан сасă пĕтсех пырать, ăна та аталантармалла вĕт-ха. Юрă вара - чи лайăх меслет.

Мăн Вылă шкулĕнче хăвăрт чупас тата утас енĕпе кам маттур? Кунта ĕçлекенсем тÿрех хăйсен тăрăшуллă вĕренекенне палăртрĕç - саккăрмĕшĕнчи Марина Федорова. Лайăх вĕренет вăл, район ăмăртăвĕсене хутшăнса мала тухать. Физкультура олимпиадинче те иккĕмĕш вырăн йышăннă.

Вунпĕрмĕш класри Леня Никифоров - кĕçĕнрех тусĕсемшĕн ырă тĕслĕх. Сăпайлă та тăрăшуллăскер вĕренÿре те аван ĕлкĕрет, спортпа та туслă. Типтерлĕскере вĕрентекенĕсем тăтăшах мухтаççĕ.

- Пурнăçра туслăх - чи пĕлтерĕшли. Юлташ нумай пулни питĕ аван. Хамăрăн та чăн-чăн тус пулма пĕлмелле. Çавăнпа яланах савăнăçлă, тăрăшуллă, çивĕч ăс-тăнлă пулмалла, - тет йăл кулăпа çиçекен Владислав Михайлов.

Нумай пулмасть Чăваш кĕнеке издательствинче Михаил Мерченĕн «Хумлă Атăл» /тиражĕ - 1000 экземпляр, редакторĕ - М.З. Захаров, ÿнерçи - М.Д. Давлятшин/ романĕ пичетленсе тухрĕ. Ку авторăн саккăрмĕш кăларăмĕ. Кашни çĕнĕ кĕнеке кун çути курни - çурхи ăшă кун ирхи тĕтре витĕр ем-ешĕл улăхра тата тепĕр чечек шăтса тухнипе пĕрех.

Вырăс хĕрарăмĕ Епистиния Федоровна Степанова хăй пурнăçĕнче чылай хура-шур курнă. Унăн тăхăр ывăлĕ вăрçăра вилнĕ.

Краснодар тăрăхĕнче çут тĕнчене килнĕскер мĕн пĕчĕкрен ĕçе хăнăхнă. Кубаньре хур-кăвакал кĕтĕвне кĕтнĕ. Çĕр ĕçĕнчен те ютшăнман. Пулас мăшăрĕпе, Михаил Николаевичпа, хăйне çураçма килсен çеç паллашнă.

Философ панулмие алла илчĕ, ăна çавăркаласа пăха-пăха тарăн шухăшлăн калаçма пуçларĕ:

- Çынсем хăйсен чĕрисем панулми евĕр тесе шухăшлаççĕ.

- Мĕнле майпа? - кăсăк-ланчĕ Вĕренекен.

- Тĕрĕсрех каласан, панулми çурри пек, - тÿрлетрĕ Философ. - Ак çапларах, - Вăл панулмие икке пайларĕ те сĕтел çине хучĕ.

Калчана лайăх çутă кирлĕ

ШYПАШКАPТИ ТĔП ПАСАРТИ ХАКСЕМ /нарăс уйăхĕн 10-мĕшĕ тĕлне/

Халăх сăнанинчен

Сельдерей акар-и?

Хĕллехи пăрушкана пăхасси

Ытлашши чăрманмасăр