Archive - 23 Çĕртме, 2016

Вăхăтсăр çуралнă ачасене пулăшма - çĕнĕ мелсем

«Район больницинче нимĕнпе те пулăшмарĕç»

Шкулсенче аграри класĕ пулĕ

Кăмăла хуçсан та - малаллах, хастартараххăн

«Вĕлернĕ шăллăмсемшĕн те пурăнатăп»

«Мана çут çанталăк кĕвĕ туйăмлăхне панă»

Тухтăрсем ача çуратма чарсан Турра кĕлтунă

Пĕчĕк шалуллă ĕçрен пуçăнма хăрамалла мар

«Пĕр пичче вăрçа кайнă кун тепри вилчĕ»

Çĕртме уйăхĕн 27-мĕшĕ — Çамрăксен кунĕ. Уяв умĕн ЧР Пуçлăхĕ Михаил Игнатьев Чăваш Республикин Çамрăксен патшалăх премийĕсене парасси çинчен Указ алă пуснă. Сумлă çак хавхалантарăва кăçал 15-ĕн тивĕçнĕ. Вĕсен йышĕнче — И.Н.Ульянов ячĕллĕ Чăваш патшалăх университечĕн медицина факультетне пĕтернĕ Валентинăпа Дмитрий Виноградовсем. Мăшăра премие сывлăх сыхлавĕ енĕпе "Вăхăтсăр çуралнă пепкесен тип пырĕпе ÿпкин тĕрĕс мар аталанăвне маларах асăрхаттарасси" ĕçшĕн панă. Çамрăксемпе сумлă наградăна алла иличченех тĕл пултăмăр, вĕренÿри тата ăслăлăхри çитĕнĕвĕсем пирки сăмах пуçартăмăр. Малалла вулас...

Ку статьяна вуланă май «тухтăрсене кураймасăр çырать» тесе ан шухăшлăр. Медик профессине суйланисене питĕ хисеплетĕп, вĕсем нумай-нумай çын пурнăçне çăлса хăварнă пин-пин тĕслĕх пĕлетĕп. Йĕпреç районĕнчи Ирçе Çармăс тăрăхĕнчи çынсем шурă халатлă ĕçченсем тĕлĕшпе кăна мар, медицина тытăмĕнчи çитменлĕхсем çинчен пĕлтернине илтмĕш тăвас мар терĕмĕр. «Эсир хаçатра çырнă хыççăн пире вуçех сиплеме пăрахĕç-ши?» — иккĕленчĕç ватăсем, анчах çывăх çыннине çухатнине пула чун ыратăвне пытараймарĕç.

Кунашкалли Чăваш Енре — пиллĕкмĕш хут. Çĕртме уйăхĕн 20-мĕшĕнче Шупашкарти «Олимпийский» стадионта çăмăл атлетика енĕпе Раççей чемпионачĕ уçăлнă. Вăл паян вĕçленет.

Кĕтÿ хăваласа таврăнакан Людмила Васильевна чунне çăмăллатас тесе таса уй тăрăх утнă. Кунта чĕркуçленсе пĕтĕм вăйран кăшкăрса макăрма никам та чăрмантарман ăна. Харăсах икĕ шăллĕне çухатнă хыççăн аппăшĕн пуçĕ усăннă, çĕкленейми пулнă.

Этемĕн кун-çулĕ мĕн тĕрлĕ кăна çаврăнмасть-ши? Йывăрлăхсене те чăтса ирттерме тивет, савăнăçлă кун та сахал мар. «Нарспи» халăх ансамблĕн солисткин Валентина ОРЕШНИКОВĂН кун-çулĕ пуяннине унпа калаçнăçемĕн аван туйрăм.

Çемье кашни çыннăн пурнăçĕнче пĕлтерĕшлĕ вырăн йышăнать. Кун ăнăçлă та, япăх та иртме пултарать, анчах килте сана кĕтекен пурри малалла пурăнма хавхалантарать. Çемьери тăнăçлăхпа юрату мĕнрен килет-ши? Сак тулли ача-пăча çитĕнтерме çăмăл-ши?

Паянхи çамрăксене мĕн пăшăрхантарать? Мĕнле ыйтусем канăç памаççĕ вĕсене? «ÇХ» вулаканĕсен шухăшне пĕлес терĕмĕр.

Çулсем хыçа юлсан каялла çаврăнса пăхатăн та пулни-иртни тавра шухăшлатăн, савăк, чĕрере тарăн йĕр хăварнă самантсене аса илетĕн. Пурнăçра мĕн пулни ăнсăртран мар. Ырă-и вăл, начар-и — малалла талпăнмалла. Тăвай районĕнчи Çĕнçырмара пурăнакан Василий Сергеевăн ачалăхĕпе çамрăклăхĕ çăмăл килмен. Хури-шуррине чылай курнă 90 çула çывхаракан ватă.