Archive - 31 Пуш, 2016
Акари ыйхă - авăнри хуйхă
Умри çула такăрлатĕ
Сĕтел тулли - юр-вар
Елчĕк районĕнчи Патреккел ялĕнче пурăнакан Светланăпа Валерий Выйгетовсем çак сăмахсене çирĕплетеççĕ. Пурнăçа сыпăнтарма маларах сысна, вăкăр усранă çемье. Аш йÿнелсен ĕне çине куçнă. Халĕ виççĕшне сăваççĕ, унсăр пуçне çамрăк пăрусем пур. «Малашне 6 ĕнене çитересшĕн, фермер хуçалăхĕ йĕркелесе гранта тивĕçесшĕн», - паллаштарчĕ хăйсен ĕçĕ-хĕлĕпе Светлана Геннадьевна.
Йывăр çул хăратмасть
Тепĕр уйăхран Канаш районĕнчи Асхвари Сергей Андреевăн кил хуçалăхĕнче хур чĕпписем шиплетме тытăнĕç. "60-70 е 100 пуç пуçтарăнĕ-и - вăхăт çитеспе паллă пулĕ", - тет çамрăк фермер амăшĕ Екатерина Анатольевна. Производство инкубаторĕнче кăларнисене ятарласа кайса илеççĕ те ÿстереççĕ. 2-3 эрнерисене ырă-сывă çитĕнтерме вĕренсе çитнех çав.
Чăх кукшаланать
Ман чăхсене тĕк çиекен хурт нушалантарать пулас. Ветеринар А эпицид препаратпа сиплесе пăхма сĕнчĕ, анчах вăл пулăшмарĕ. Ытларах чухне чăхăн "сухалĕ", кайран çурăмĕ кукшаланма тытăнать. Мĕн тумаллине пĕлместĕп. Водород перекиçĕпе те усă курса пăхрăм. Сарайĕнче яланах йывăç кĕлĕ тата вĕтĕ хăйăр пур. Инкекрен хăтăлма пулăшаймăр-ши? Тĕк çиекен хурта пула чăх вилме пултарать-и?
Капитолина Иванова. Шупашкар районĕ.
Çĕрулми мĕншĕн çĕрет?
«Хресчен сасси» хаçата нумай çул çырăнса илетĕп. Унта усăллă сĕнÿсемпе, хыпар-хăнарпа паллашма пулать. Юратнă хаçатран эпĕ те пулăшу ыйтасшăн. Хуçалăхра 7-8 çул «рокко» çĕрулми çитĕнтеретĕп. Вăл япăх çанталăкра та тухăçлă пулать. Пĕр-икĕ çул ĕнтĕ чи лайăх çĕрулмине суйласа калчалантарса лартатăп. Анчах чылайăшĕ шăтмасть. Чавса кăларсан вăрлăх йăлтах çĕрнине асăрхарăм. Касса е чăмăрла лартсан та çавах. Иртнĕ çул пĕр-икĕ тăваткал метрта çу варринчех аври хăрчĕ. Çĕрулмине кăларса пăхрăм та каллех çĕрни палăрчĕ. Кăçал вăл тĕп сакайĕнче те чылай çĕрчĕ.
Сăмах - çăкăр çинчен
Çăкăр пĕçерекенсем хăйсен продукцийĕ 10 процент хакланасса пĕлтернĕ. Мĕнле-ха капла? Раççей ют çĕршывсене тырă нумай ăсатать. Чылайăшĕ çакăн пирки хытах ÿпкелешет, ара, çăкăр хальлĕхе йÿнĕ çимĕçрен пĕри-çке.
Пĕтĕмĕшле хакласан тырă тĕлĕшĕпе лару-тăру нефть тавра йĕркеленнинчен ÿксе юлмасть. Çĕр айĕнчен тухакан пурлăх йÿнелет, бензин хакланать. Раççейре тырă чăнахах та нумай, анчах ăна туса илекенсем электроэнерги, шыв, çу, сахăр хакланнине палăртаççĕ. Нимĕн те калаймăн - вĕсен сăмахĕ те тĕрĕс, çăкăр туянакансем вара яланах пулнă, пулĕç те.
Пултарулăхра - вăй, чун ăшши, ял илемĕ
Матюхин-Тютин ăрачĕ
Алла аттестат илсен, малтан картса хунă пекех, ĕне ферминелле çул тытрăм. Вунпĕр çул юнашар ларнă Митя Матюхин вара ылтăн тĕслĕ калайпа та çăрапа эрешленĕ вĕр çĕнĕ дипломатне йăтса, шоссе еннелле утрĕ. Çук, ялтан тарас шутпа мар, институтра пĕлÿ илсе каялла яла ĕçлеме, ăна çĕклеме таврăнас ĕмĕтпе каять каччă хулана. Колхоз ярать ăна зоотехника вĕренме. Тусăм класри чи лайăх вĕренекен пулнă тесе каламастăп. Аттестатсенчи паллăсем пирĕн пĕрешкелех - «тăваттăпа» «виççĕ» ылмашăнса пыраççĕ. Вĕçнерех кăна пăт-пат «пиллĕк» курăнать.