Archive - 2015
февраль 7th
Укçаллисене серепене сĕтĕреççĕ
Виçĕмкун РФ наркотĕрĕслев службин Чăваш Енри управленийĕн ертÿçи Евгений Барсуков журналистсемпе тĕл пулчĕ, 2014 çулти кăтартусемпе паллаштарчĕ.
Паянхи куна республикăри управлени наркотиксен çаврăнăшне тытса чарас ĕçĕ-хĕлĕпе ыттисен хушшинче ырă енпе палăрнине асăнма кăмăллă. Федерацин Атăлçи округĕнче 14 регионтан - 3-мĕш, Раççейри 78 субьект йышĕнче - 34-мĕш вырăнта вăл. Йышпа тунă преступленисене тытса чарассипе те 2-мĕш кăтартупа палăрнă тата ытти те. Ĕç курăмлăхĕ пурах. Çавăнпах рейтингпа паллаштарнинчен пуçларĕ-тĕр сăмахне Евгений Николаевич.
Урапа çинчен ÿксе юлман...
Йăмăкĕ патĕнчен хăнаран таврăнакан Эльвира Петровна çывхарса килекен троллейбуса курсан уттине хăвăртлатрĕ. Сумки çăмăлах мар унăн. Унта кучченеç туллиех. Йăмăкĕ питĕ ырă кăмăллăскер. Мĕн хурса, мĕн парса ямаллине хăни алăка уçса пÿрте кĕрсенех палăртса хурать пуль.
Ĕлкĕреймерĕ. Чупса çитнĕ çĕре иккĕмĕш номерлĕ троллейбус хÿрине çеç курса юлчĕ. Вăл сумкине чарăнури сак çине лартса тÿрленсе тăчĕ. Çав вăхăтра çăмăл ăшă кĕрĕкĕн пиçиххийĕ салтăнса кайрĕ те çĕре лаплатрĕ.
Хамран вăйлăраххи пур-ши?
Упăшка теприн патне пăрахса кайни шăп ултă çул çитрĕ. Çав кунранпа эпĕ пĕчченех пурăнатăп. Ачана ашшĕсĕр ÿстерме çăмăл мар. Куç хывакансем пур мана та, анчах та вĕсем е çемьеллĕ, е сипленсе вăхăтлăха ĕçме пăрахнă. Мĕн пытармалли, ун пеккисенчен пархатарĕ сахал, ик-виç уйăхран каяллах ĕçке ярăнаççĕ. Чылайăшĕн арăмĕнчен вăрттăн теприн патĕнче канас килет. Мана вара вăхăтлăх арçын кирлĕ мар. Никам еркĕнĕ те пулас килмест.
Сакки, чăн та, сарлака...
февраль 6th
Хамăр ларакан турата касатпăр
Культура çулталăкĕ юрласа-ташласа иртсе кайрĕ. Унăн пĕтĕмлетĕвне çак ĕçшĕн яваплă çынсем тăвĕç-ха. Паллах, пысăк ÿсĕмсем тунине палăртĕç. Чуна ыраттаракан ыйтусем вара яланхиллех юлĕç...
Хальлĕхе сÿтсе яваççĕ
Амăшĕн капиталĕнчен алла 20 пин тенкĕ параççĕ текен сас-хура çÿрет. Тĕрĕсех-и? Тĕрĕс пулсан ку ыйтупа ăçта каймалла?
Марина Степанова. Кÿкеç.
РФ Пенси фончĕн Чăваш Енри уйрăмĕ çапла пĕлтерет:
- Хальлĕхе ниçта та каймалла мар. Амăшĕн капиталĕнчен çемье нуши валли укçа уйрассине малтан саккунпа çирĕплетмелле. Хальхи вăхăтра ку шухăш проект шайĕнче кăна-ха, ăна сÿтсе явас ĕç пырать. Саккуна йышăнсанах çакăн çинчен çийĕнчех республикăра пурăнакансене пĕлтерĕпĕр.
Сутуçă услам чури ан пултăр
Пайтаçă çăкăрĕ мĕн тути?
«Предприниматель» сăмаха словарьте «ĕç пуçаруçи, харпăр хăй укçи-тенкипе суту-илÿ е производство йĕркелекен» тесе куçарнă. Çавăнпа хăшĕ-пĕри çак сăмаха «туян та сут» шайне кăна лартнипе пĕрре те килĕшес килмест. 10-15 çул каялла çеç-ха, акă, вĕсене «спекулянт» тесе кÿрентеретчĕç. Ман шухăшпа, сăмах каличчен вĕсен çăкăрĕн тутине пĕлмелле: пылак-и вăл е йÿçĕ-и? Ытларах чухне пылаках мар çав - тăварлă. Ырлăх-пурлăха тар тăкса ĕçлемесĕр тума çук.