Archive - 2015

Ашшĕ-амăшĕн хÿттисĕр юлнă ачасене çемьене илсе тĕрĕс воспитани пани, ура çинче çирĕп тăма пулăшни - сăваплă ĕç. Юлашки çулсенче республикăра тăлăхсен йышĕ чакса пырать. Ку чылай çемье ача çуртĕнчи шăпăрлансене хăйсен çемйине йышăннипе çыхăннă. Пĕр ача пур çĕрте иккĕмĕшĕ те ытлашши мар. Пысăк чĕреллĕ мăшăрсем темиçе тăлăха çемье ăшши парнелеççĕ. Тăвай районĕнчи Енĕш Нăрвашра пурăнакан Кузьминсем - 3, Михайловсем 5 шăпăрлана хăйсен хÿттине илнĕ. Ача çуртĕнчен çемьене лекнĕскерсем халĕ телейлĕ.

Кашни çыннăн - хăйĕн чун киленĕçĕ. Майне пĕлсен, килĕшнĕ ĕç савăнăç кăна мар, тупăш та кÿрет. Хальхинче эпир Канаш районĕнче пурăнакан çавнашкал çынсемпе паллаштарасшăн. Выльăх-чĕрлĕх, кайăк-кĕшĕк усрасси чун туртăмне çаврăннине çирĕплетеççĕ вĕсем.

Вьетнам сыснисем

Понисем

Страуссем

Анна Степанова, 17 çулта. Çĕрпÿ вăтам шкулĕнче вĕренет.	Наталия Михайлова, 16 çулта. Çĕмĕрле хулинче пурăнать, вăтам шкулта ăс пухать.
Людмила Александрова, 20 çулта. Елчĕк районĕнчи Аслă Шăхаль пики Раççей Президенчĕ çумĕнчи халăх хуçалăхĕпе патшалăх службин академийĕн Шупашкарти филиалĕнче 3-мĕш курсра вĕренет.	Татьяна Ястребова, 14 çулта. Етĕрне районĕнчи Тури Ачак вăтам шкулĕнче пĕлÿ илет.

Вулаканăмăрсем, хăвăра килĕшнĕ хĕршĕн "Контактра" социаллă сетьри "Çамрăксен хаçачĕн" ушкăнĕнче "лайк" лартса сасăлама пултаратăр. Январь уйăхĕнче Çĕрпÿ районĕнчи Çĕрпÿел хĕрĕ Людмила Петрова мала тухнă - уншăн 32 çын сасăланă.

Конкурса хутшăнма кăмăл тунă хĕрсенчен сăнÿкерчĕксене molgazeta@rambler.ru адреспа йышăнатпăр. Çырура ят-шыва, ÿсĕме, ăçта пурăннине, ĕçленине-вĕреннине палăртма ан манăр.

Эпĕ мĕн туса хунине пĕлсен анне мана çапса пăрахĕ, атте иксĕмĕре те килтен кăларса ярĕ. Эх, тĕрĕсех каланă çав: «Чавса çывăх та çыртма çук»... Май пулсан шăматкуна каялла тавăрăттăм, çывăх тусăм сăмахне итлемĕттĕм. Ăссăрла хăтлантăм, атте-анне сăмахĕнчен иртрĕм.

Тăвай районĕнчи Енĕш Нăрвашра йывăçран касса кăларакан ăстасем пурри пирки унчченех илтнĕччĕ. Çак ялта пулма тÿр килсен йывăç касăкĕ ăста аллинче кÿлепене çаврăннине хамăн куçпа курса ĕнентĕм. 25 çулти Юрий Федоров çав кун шăпах аслашшĕпе асламăшĕн çуртĕнче ĕçлетчĕ. Унта вĕсем ятарласа мастерской тунă.