Пахчаçимĕç ÿстересси çăмăл мар. Ăна пухса илнĕ хыççăн упрасси те ансатах мар. Чылайăшĕ улма-çырлана, купăста-кишĕре нÿхрепре хĕл каçарать. Унти температура 0-5 градус, нÿрĕк виçи 80-95 процент тивĕçлĕ шайра тăрать. Шел те, хăшĕ-пĕри управ вырăнне хĕллене хатĕрленĕ чухне хăрушсăрлăх пирки манать. Çавна май сахал мар инкек сиксе тухать. Акă нумаях пулмасть Çĕрпÿ районĕнчи Кăшаркассинче тăватă çын нÿхрепре наркăмăшланса вилчĕç.
Çулсем иртнĕçемĕн çамрăк чухне туса ĕлкĕреймен ĕçсемшĕн чун ыратать. Арçыннăн йывăç лартмалла, çурт хăпартмалла, ывăл-хĕр çитĕнтермелле теççĕ. Хваттер илнĕ-ха, çапах хам алăпа пÿрт çĕклеменшĕн ÿкĕнетĕп. Халĕ ĕç пуçласан укçа-тенкĕ çитереймесси хăратать. Патшалăхран кивçен илсен - тавăрса парасси.
Чăваш юррисем. Темĕн тĕрлĕ хитре сăвăсем. Тĕлĕнмелле илемлĕ сăмах çаврăнăшĕсем. Çĕнĕ пурнăç кĕввисемпе пĕрле сĕм авалхи çемĕсем те илтетпĕр. Вĕсем ĕмĕртен ĕмĕре куçса паянхи куна çитнĕ. Ватти-вĕтти пĕччен чух та, ушкăнпа та, ĕçре те, каннă вăхăтра та юрлаççĕ вĕсене.
Кăçалхи çулталăк уявсемпе пуян. Тăван çĕршывăн Аслă вăрçинче çĕнтернĕренпе 70 çул çитнине анлă уявларăмăр. Чăваш автономи облаçне туса хунăранпа 95 çул çитрĕ. Кунсăр пуçне Элĕк районне тепĕр хутчен йĕркеленĕренпе - 50 çул.
Вĕренÿ çулĕ пуçлансанах хăнăхнă йăлапа шкула ашшĕ-амăшĕн пухăвне пуçтарăнатпăр. Яланхи пекех шкул директорĕ чи малтан сăмах илет. Кăçалхи çĕнĕлĕхсемпе паллаштарать вăл. Тĕслĕхрен, пирĕн шкулта ачасем икĕ сменăпа вĕреннĕрен урок вăхăтне 45-рен 40 минут таран кĕскетме йышăннă. Апла тăк вĕсен çур сехет маларах пушанма май пулать. Уроксем хыççăнхи тÿлевлĕ кружоксенче хутран темĕн те пĕр тума, ÿкерме, ташлама хăнăхтараççĕ. Килте телевизор куриччен е компьютерпа выличчен вăхăта шкулта ирттерни тем тесен те усăллăрах.
Чăвашла верси
Русская версия
100 çулти йывăç та çимĕç парать
