Archive - 8 Авăн, 2015

Республикăра пурăнакансен шухăш-кăмăлĕ - патшалăх политикин никĕсĕ

Çакна çирĕплетекенни - çынсем регион Правительствин çитес çулсенчи ĕç-хĕлĕн тĕп çул-йĕрне палăртакан программăна хатĕрлеме тата йĕркелеме хастар хутшăнни.

Çемьене çĕнĕ кайăк килнĕ самантран ашшĕ-амăшĕшĕн пурнăç тĕпрен улшăнать: малашне юратнă пепки вĕсен пурнăç пĕлтерĕшĕ пулса тăрать. Ачин сывлăхĕшĕн хăйсеннинчен те ытларах пăшăрханни паллă ĕнтĕ. Акă, мĕншĕн пепкене чир-чĕртен сыхлас енĕпе аслисен сисчĕвленÿ ытларах пулмалла.

Кун пек çумăр, яра кун тенĕ пек, Шупашкарпа Çĕнĕ Шупашкар таврашĕнче тахçанах çуманччĕ-тĕр. Сивĕ мар хăй, усал та мар, анчах...

2016 çулхи июлĕн 1-мĕшĕнче пуçланса августăн 15-мĕшĕнче вĕçленекен Пĕтĕм Раççейри ялхуçалăх çыравĕччен çулталăкран та сахалрах вăхăт юлчĕ. Çĕршыв пĕлтерĕшлĕ мероприяти ялта кăна мар, хулара та, ун тăрăхĕсенче те иртет. Вăл ялхуçалăх таварĕ туса кăларакансене пурне те - çырав об<екчĕсен шутне кĕртнĕ уйрăм хушма хуçалăхран, дача, сад, пахча юлташлăхĕсенчен пуçласа ялхуçалăх организацийĕсем таранах - пырса тивет. Хальхи вăхăтра вĕсен списокĕсене хатĕрлеççĕ.

Чăваш патшалăх ÿнер музейĕнче çак кунсенче уçăлнă курав ыттисенчен уйрăларах тăрать. Картинăсен авторĕ хăй те питĕ хăйнеевĕрлĕхĕпе палăрса тăрать.

И.Н.Ульянов ячĕллĕ Чăваш патшалăх университечĕн чăваш студенчĕсен хушшинче эпĕ ыйтăм ирттертĕм: «Эсир тăван халăхăн миçе юррине пĕлетĕр?» 103 студентран 5-шĕ çеç виçшер юрă пĕлет... Çав тери пăшăрхантаракан тĕслĕх.

Пахчаçимĕç ÿстересси çăмăл мар. Ăна пухса илнĕ хыççăн упрасси те ансатах мар. Чылайăшĕ улма-çырлана, купăста-кишĕре нÿхрепре хĕл каçарать. Унти температура 0-5 градус, нÿрĕк виçи 80-95 процент тивĕçлĕ шайра тăрать. Шел те, хăшĕ-пĕри управ вырăнне хĕллене хатĕрленĕ чухне хăрушсăрлăх пирки манать. Çавна май сахал мар инкек сиксе тухать. Акă нумаях пулмасть Çĕрпÿ районĕнчи Кăшаркассинче тăватă çын нÿхрепре наркăмăшланса вилчĕç.

Юлашки вăхăтра ветеринари аптекисен шучĕ ÿссе-йышланса пыни палăрать. Çакăншăн ял çынни савăнать «Выльăх чирлемесĕр пулмасть. Юрать-ха, райцентра каймалла мар халĕ», - чунран хĕпĕртенине палăртнăччĕ Патăрьел районĕнчи Чăваш Сăкăт çыннисем ялтах аптека уçăлсан.

Спортра кунашкалли тăтăшах пулкалать. Ÿт-пĕве сивĕ чĕпĕтет-и, хĕвел çунтарать-и, çумăр лÿшкет-и - старта пурпĕр тухмалла.

Илья Рахмиэлевич Резник, Раççей халăх артисчĕ, çĕр-çĕр юрă сăмахĕсен авторĕ, Чăваш Ене килни нумайăшĕшĕн кĕтменлĕх пулчĕ. Çĕнĕ Шупашкарсемшĕн - хула юбилейĕ умĕнхи чăн-чăн парне.