Чăваш Енре Литература тата К.В.Иванов çулталăкне савăнăçлă лару-тăрура уçнă самант "чун инженерĕсемшĕн", тĕрĕссипе - илемлĕ литературăна юратакансемшĕн те, тепĕр пĕлтерĕшлĕ пулăмпа та асра юлчĕ пулĕ тетĕп: çав кун - январĕн 23-мĕшĕнче - Наци библиотекинче "Çиччĕрен - çиччĕ" кĕнекен презентацийĕ иртрĕ.
Пĕтĕм Раççейри Халăх фрончĕн /ХФ/ Чăваш Республикинчи уйрăмĕн нумаях пулмасть иртнĕ ларăвĕнче юхăннă çуртсенче пурăнакансене хăтлă хваттерпе тивĕçтерес программа пирĕн республикăра мĕнле пурнăçланса пынине тата çакăнпа çыхăннă ытти ыйтăва тишкерчĕç. Тĕлпулăва ЧР Строительствăпа архитектура тата пурăнмалли çурт-йĕрпе коммуналлă хуçалăх министерствин, ЧР патшалăх пурăнмалли çурт-йĕр инспекцийĕн, муниципалитет администрацийĕсен яваплă çыннисем, общество представителĕсем, ХФ эксперчĕсемпе хастарĕсем хутшăнчĕç.
Çапла çирĕплетет тимĕр вăййипе туслă ветеран
Çичĕ-сакăр теçетке урлă каçнă хăш-пĕр мучирен тĕлĕнме пăрахмастăп: тивĕçлĕ канура пулин те кĕрĕк аркине йăваласа лармаççĕ, общество ĕçĕнче те хастар вĕсем. Тĕрлĕ мероприятие хутшăннисĕр пуçне спортра та пысăк çитĕнÿсем тăваççĕ. Вăрнар поселокĕнче пурăнакан 73 çулти Анатолий Иванов та спортпа туслă: вăл кире пуканĕ йăтать, ăмăртусенче вăй виçет.
Патăрьел районĕнчи «Хастар» ЯХПК пухăвĕ иртнĕ. Хуçалăх уставне Раççей саккунĕсемпе йĕркеленĕ, Н.Родионова председательтен кăларнă.
Çыннисем мĕнле, вĕсем çыракан кĕнекисем те çавăн пекех.
Георг ЛИХТЕНБЕРГ.
Январь уйăхĕн 23-мĕшĕнче Чăваш патшалăх оперăпа балет театрĕнче хаваслă лару-тăрура Пĕтĕм Раççейĕпе ирттерекен Литература çулталăкне тата Чăваш Енри Константин Васильевич Иванов çулталăкне уçрĕç. Чăваш Республикин Пуçлăхĕ Михаил Игнатьев зала пуçтарăннă çыравçăсене, артистсемпе композиторсене тата ытти пултарулăх çыннисене саламласа: «Кĕнеке вулакан çын хăй çине те, йĕри-тавралăха та урăхларах куçпа пăхма тытăнать», – тесе пĕлтерчĕ. Чăваш çĕрĕ çинче кăçал Константин Иванов çулталăкĕ пулнине палăртса Михаил Васильевич уява пухăннисенчен çур зал ытла «Нарспи» поэма авторĕн сăввисене пăхмасăр калама пултарĕ тесе çирĕплетрĕ.
Чăвашла верси
Русская версия
