Archive - 21 Кăрлач, 2015

Ÿсен-тăран /традесканция зебрина/ сĕткенĕ микроба хирĕçле тата диабет чухне сахăра чакаракан витĕмпе палăрса тăрать.

Мĕнле хатĕрлемелле. Çулçисемпе хунавĕсене çумалла. Блендерта е вакласа вĕтетмелле, марля витĕр пăчăртаса сĕткенне юхтармалла.

Хĕвелçаврăнăш çăвĕ пуç ырат¬нипе, фронтитпа, тромбофлебитпа, хырăмăлăхăн, пыршăлăхăн, чĕрен, ÿпкен, пĕверĕн вăрах чирĕсемпе, хĕрарăм чирĕсемпе, шăл ыратнипе, ытти чирпе аптрасан сипленме пулăшать. Çавăн пекех вăл усал шыçăран витĕмлĕ хÿтĕленине те палăртаççĕ

Чи анлă сарăлнă меслет - ирхине выç хырăмла тата каçхине çывăрас умĕн 1 апат кашăкĕ тасатман хĕвелçаврăнăш çăвне 10-12 минут ĕмни. Çу çăварта шĕвелсе кайсанах ăна сурса пăрахмалла, çăвара шывпа чÿхемелле.

Шута илме: çăва çăтма юрамасть, ĕмнĕ май вăл организмри шлаксене туртса илет.

Ал-ура ялан шăннин сăлтавĕ чылай. Сахал хускануллă пурнăç йĕрки тытни те, çанталăк условийĕсене шута илсе тумланманни те. Чылай чухне атеросклероза пула та алă шăнать. Организма çак лару-тăрура пулăшма халăх медицинин мелĕсемпе анлă усă кураççĕ.

Атеросклероз чухне пылпа çурмалла хутăштарнă сухан сĕткенĕ усăллă. Ăна кунне 3 хут апатчен 1 сехет маларах 1-ер апат кашăкĕ ĕçмелле. Курс - виçĕ эрне. Кирлĕ пулсан икĕ уйăх ĕçме юрать.

Сиплевре, тĕпрен илсен, хĕрен тымарĕпе усă кураççĕ. Вăл нÿхрепре хăйăрпа хурсан лайăх упранать. Тымарне типĕтсе çăнăх пуличчен те вĕтетме пулать. Ăна кĕленче банкăна тултарса хупăлчапа тачă витмелле.

Хĕрен препарачĕсемпе шăк çулĕсем, лăймака сийсем шыçсан, подагра, ревматизм аптратсан сипленнĕ чухне усă кураççĕ.

Шăк хăмпи шыçсан /цистит/. 1 апат кашăкĕ вĕтетнĕ чĕрĕ е типĕ тымара тин вĕренĕ 1 стакан сĕте ямалла, 15 минутран сăрăхтармалла. Пĕчĕк сыпкăмсемпе пĕр кунра ĕçсе ямалла. Курс - 10 кун.

Грипп вирусĕ çÿлти сывлав çулĕсене лексе çирĕпленет, йÿçеке килĕштерет. Çак йÿçеке мелисса çулçи ярса пиçĕхтернĕ шывпа сиенсĕрлетме пулать.
Сиплĕ шĕвек хатĕрлеме 1 апат кашăкĕ чĕртавара тин вĕренĕ 1,5 стакан шыва ямалла, хупăлчапа витсе шыв мунчине лартмалла, 15 минут пиçĕхтермелле. Илсен 45 минутран сăрăхтармалла. 1 стакан шĕвекпе пыра кун тăршшĕпе чÿхеме усă курмалла. Юлнине ĕçмелле.

Эх, маттур ăмăртаççĕ эстафетăра сунарçăсем! Ав пĕри мулкач хыççăн чупать тейĕн, урине йĕлтĕр сырнăскер малтан мала вирхĕнет. Ыттисене самай хыçа хăварнă. Пăшалтан пеме вăхăт çитрĕ те каллех вичкĕнлĕхĕпе палăрчĕ.

Апат-çимĕç таварĕсем виçесĕр хакланса каясран Чăваш Ен правительстви лару-тăрăва асăрхасах тăрать, ăна тишкерсе мерăсем йышăнать. Çапах хаксем пăхăнасшăн мар. Акă пахчаçимĕç, çĕрулми килограмĕ 30 тенкĕрен те иртсе кайнă. Мĕнрен килет çакă? Элĕк районĕнчи Сергей Волков фермер патне çитрĕмĕр.