Archive - 2014

Муркаш районĕнчи Ваçкассинчи информаципе культура центрĕ нумаях пулмасть 30 çулхи юбилейне паллă турĕ. Уява таврари ялсенчен кăна мар, район центрĕнчен те, республикăран та халăх йышлă пухăнчĕ.

Чылайранпа упратăп çак сăнÿкерчĕке. Мĕншĕн тесен унта манăн ÿсĕмри çамрăксем сăнарланнă. Иртнĕ ĕмĕрĕн 60-мĕш çулĕсен пуçламăшĕнче ял каччисене çара шăпах çакăн пек ăсататчĕç.

Вăрмарти историпе таврапĕлÿ музейĕнче паллă сăвăç Валентин Урташ çуралнăранпа 90 çул çитнине халалласа "Юрăпа эп пурнăçа юратрăм" сăвă-юрă уявĕ иртрĕ. Вырăнти таврапĕлÿçĕсем, сăвăçсем, ÿнерçĕсем, шкул ачисем, вулавăш ĕçченĕсем хутшăнчĕç унта.

...Вăл Валентина Терешковăна купăс каласа ташлаттарнă. Людмила Зыкина ăна хăй патне ĕçлеме чĕннĕ. Анчах Арсений Яйцов купăсçă урăх çул суйласа илнĕ. РФ тата Мари Республикин культурăн тава тивĕçлĕ ĕçченĕ, Иван Палантай ячĕллĕ Мари патшалăх преми лауреачĕ, Туçимари районĕн Хисеплĕ гражданинĕ 16 çул ытла халăхсен туслăхне çирĕплетессишĕн ыркăмăллăх концерчĕсем кăтартать.