Валентина МАКСИМОВА

Патăрьел районĕнчи «Батыревский» пĕрлешÿре те тăрăшсах çĕрулми кăлараççĕ. Уяр çанталăкпа туллин усă курма тăрăшаççĕ ĕçченсем. Çавна май хăватлă техника шавĕ самантлăха та чарăнмасть, ирхине 6 сехетрен пуçласа çур çĕрчченех тăсăлать.

Йышлă çемьере ача-пăча туслă çитĕнет. Пĕр-пĕрне пулăшса, итлесе ӳсеççĕ вĕсем. Çавна май ĕçченлĕхпе палăраççĕ. «Алешăпа Сашăна эпĕ яланах шанатăп. Хам унта-кунта каймалла пулсан шăллĕпе йăмăкĕсене пăхаççĕ, апат çитереççĕ, алăран ямаççĕ», - тет Юлия Макова.

Çил арманне халĕ ялсенче курма май çук. Пулсан та аваллăх палăкĕ пек çеç упранса юлнă вăл. Хăй вăхăтĕнче вара çил арман ял çыннине тăрантарнă темелле. Çавăнпах ĕнтĕ ăна халăх пăрахăçлама шухăшламасть. Акă Улатăр районĕнчи Кивĕ Эйпеçсем аваллăх палăкне пурнăçа тавăрма шут тытнă.

Елчĕк районĕнчи Патреккел ялĕнче пурăнакан Светланăпа Валерий Выйгетовсем çак сăмахсене çирĕплетеççĕ. Пурнăçа сыпăнтарма маларах сысна, вăкăр усранă çемье. Аш йÿнелсен ĕне çине куçнă. Халĕ виççĕшне сăваççĕ, унсăр пуçне çамрăк пăрусем пур. «Малашне 6 ĕнене çитересшĕн, фермер хуçалăхĕ йĕркелесе гранта тивĕçесшĕн», - паллаштарчĕ хăйсен ĕçĕ-хĕлĕпе Светлана Геннадьевна.

Pages

Subscribe to Валентина МАКСИМОВА