Сăпайлă, ытлашши сăмах ваклама килĕштермен арçын кăмăлне çавăрма, чĕлхине "уçма" çăмăл мар. "Выльăх-чĕрлĕх йышлă усракансем сахал-им?" — турткалашрĕ вăл малтанах. Анчах ял пурнăçĕ, ĕçĕ-хĕлĕ пирки калаçнă май кăмăлĕ уçăлчĕ. Тăван ен, унăн малашлăхĕ Николай Петрова та канăç памасть.
Вăрмар районĕнчи Арапуçри почта уйрăмĕнче Надежда Дмитриевăпа Галина Тимофеева пысăк сумкисене тăрăшсах çĕнĕ хаçат-журналпа тултарчĕç. Унтан йывăрскерсене хулпуççи урлă çакса çула тухма хатĕрленчĕç.
- Арапуç пысăк ял, 600 кил ытла. Урамĕсем вăрăм, кунне вунă çухрăм утма тивет. Çавăнпа унта иккĕн ĕçлетпĕр, - терĕ Галина Тимофеева.
Ял пушанса пыни, вăйпитти çынсем аякри пысăк хуласене ĕç шырама тухса кайни Комсомольски районĕнчи Аслă Çĕрпÿелти Николай Любимовăн чунне ыраттарнă. Тăван тăрăхран тухса кайнă яш-кĕрĕме каялла тавăрма çăмăл мар. Хула пурнăçĕ, пысăк шалу ялтан пистерет. Çамрăксене унта ĕçе вырнаçма çăмăлрах. Çулланнисен мĕн тумалла? Çемьене те вĕçĕм пăрахса тухса каяймăн. Вырăнти хуçалăх та тахçанах арканнă.
- Ялта пурăнакансене пулăшма, ĕçпе тивĕçтерме ферма уçрăм, - тет фермер.
Кĕрхи кун кĕске. Кăнтăр вăхăчĕ иртрĕ кăна – тавралăх тĕттĕмленме тытăнчĕ. Уй-хире юр йăлтах хуплайман-ха. Шурă кĕрĕк çинчи саплăк пек унта-кунта хура çĕр курăнать.
Чăвашла верси
Русская версия
