Archive - 2014

декабрь 24th

24 Раштав, 2014

Çĕр калаçтарать

Çĕрпе çыхăннă тавлашусем тĕрлĕ сăлтавпа сиксе тухаççĕ. Сăмахран, çĕр пирки килĕшÿ тунă чухне, çĕр лаптăкĕн вăл е ку чиккине палăртман вăхăтра, документсенчи тĕрĕс-марлăх калаçтарать. Çĕр правипе çыхăннă ыйтусене татса пама çăмăлах мар.

Çĕр лаптăкĕн хуçисем час-часах суда пулăшу ыйтса пыраççĕ. Çĕр ыйтăвне татса пама Росреестрăн Чăваш Енри управленийĕн çĕр йĕркелÿ ĕçне туса ирттернин кăтартăвĕсен патшалăх фончĕн докуменчĕсем пулăшаççĕ /Çĕр йĕркелÿ кăтартăвĕсен фончĕ/.

24 Раштав, 2014

Çамрăкран та ирттереççĕ

«Раççей пенсионерĕсен пĕрлĕхĕ» общество организацийĕ кăçал 20 çул тултарчĕ. Çавна май çак пĕрлĕхĕн Чăваш Енри уйрăмĕ форум йĕркелерĕ. Унта тĕрлĕ районпа хулари «Раççей пенсионерĕсен пĕрлĕхĕн» представителĕсем хутшăнчĕç. Çавăн пекех компьютер технологине алла илес тĕлĕшпе ирттерекен олимпиадăра тупăшакансем те. Сăмах май, вăл кăçалхипе виççĕмĕш хут иртрĕ. Малтанхи турĕ районсенче пулнă. Унта мала тухнисем республикăра ăмăртрĕç.

24 Раштав, 2014

«Атте, мана пĕрле илсе кай...»

Ача çуртне лекнĕ çичĕ çулти Максим ав хăйĕн пĕчĕк ĕмĕрĕнче мĕн кăна тÿссе ирттермен. Икĕ çул каялла ăна пĕр çемье ача çуртĕнчен усрава илнĕ. Килĕштерсех, юратсах. Анчах çĕнĕ ашшĕ ăна ытларах юратнă пулĕ çав. Çемье пуçĕ сарăмсăр вилсен "амăшĕ" ачана кирлĕ мар тесе каялла тавăрса парать. Çав вăхăтра арçын ачан кăмăлĕ кăна мар, сывлăхĕ те япăх пулни тухтăрсене те канăçсăрлантарнă. Ача калаçман, кулман, чупма та пултарайман. Пурне те асăнсан çÿç-пуç вирелле тăрĕ. Юрать халĕ вăл тепĕр çемьене лекнĕ. Кунта тин унăн кăмăлĕ уçăлма пуçланă, сывлăхĕ те çирĕпленнĕ.

24 Раштав, 2014

Çырнă сăмах çухалмасть

Борис Леонтьевич Борлен /Тихонов/ пурăннă пулсан декабрĕн 20-мĕшĕнче 80 çул тултармаллаччĕ. Вăл халăх хушшинче писатель, публицист, поэт, журналист тата педагог пек асра юлчĕ.

Иртнĕ эрнере Шупашкарти К.В.Иванов ячĕллĕ литература музейĕнче Борис Леонтьевича асăнса ятарлă каç иртрĕ. Унта унăн çывăх çыннисем, тăванĕсем, пĕлĕшĕсем пуçтарăнчĕç. Ăна пурте ырăпа аса илчĕç, пултарулăхне пысăка хурса хакларĕç. Шупашкарти 10-мĕш шкулта вĕренекенсем Борис Борленăн «Хаваслă паллашу» тата «Зоопаркра» кĕнекисенчи сăвăсене вуларĕç.

24 Раштав, 2014

Çитĕнÿ савăнтарать

Культура çулталăкне пĕтĕмлетнĕ май Хĕрлĕ Чутайсем «Иксĕлми Чутай çăлкуçĕсем» фестивале пухăннă. Ăна кăçалхипе тăххăрмĕш хут ирттернĕ. Наци культурине тата вырăнти йăла-йĕркене упраса хăварас, аталантарас тĕллевпе йĕркелеççĕ фестивале. Асăннă тупăшура Атнарти «Айхал» ушкăн виççĕмĕш вырăн йышăннă.

24 Раштав, 2014

Ишек пасарĕнче ветеринарсем ĕçе пикеннĕ

Аш-какай пахалăхне тĕрĕсленĕ

Республика Пуçлăхĕ М.Игнатьев ЧР Министрсен Кабинечĕн членĕсемпе, федераци ведомствисемпе муниципалитет органĕсен ертÿçисемпе ирттернĕ канашлура килти хуçалăхра туса илнĕ паха апат-çимĕçе ялхуçалăх пасарĕсенче сутма кансĕрлекен бюрократи чăрмавĕсене пĕтерме хушнă.

24 Раштав, 2014

«Ачасене, халăха питĕ юрататăп...»

Чăваш ывăлĕ-хĕрĕ тĕнчен тĕрлĕ кĕтесĕнче тĕпленнĕ. Йăхташăмăрсен ĕçĕ-хĕлĕ, кулленхи пурнăçĕ пирĕншĕн, Чăваш Енре пурăнакансемшĕн, питех те кăсăклă. Шупашкара килекен ентешсемпе яланах тĕлпулса калаçма тăрăшатпăр.

24 Раштав, 2014

Коммуналлă пулăшушăн татăлмалли йĕрке улшăнчĕ

Çулла - сахалрах, хĕлле нумайрах тÿлĕпĕр

Çынсене хÿтĕлес тĕллевпе патшалăх тарифсене çеç мар, коммуналлă пулăшушăн /унăн калăпăшĕпе тĕсĕ улшăнман чухне/ хывмалли тÿлеве те йĕркелесе тăрать. Федерацин 2013 çулхи декабрĕн 28-мĕшĕнчи «Раççей Федерацийĕн пурăнмалли çурт-йĕр кодексне тата хăш-пĕр саккун актне улшăнусем кĕртесси çинчен» 417-мĕш саккунĕпе килĕшÿллĕн коммуналлă пулăшушăн çынсене тÿлеттерекен укçа виçине ытлашши ÿстересрен чикĕлемелли йĕркене çирĕплетнĕ. Унта сăмах мĕн пирки пырать-ха?

24 Раштав, 2014

«Тăван ялăм Хачăк, вăлах Ямпах»

Шăпах çак ятпа нумаях пулмасть çĕнĕ кĕнеке пичетрен тухрĕ. Авторĕ - Андрей Иванович Михайлов. Паллă журналист-таврапĕлÿçĕ тăван ялĕн историне тĕплĕн тишкерет, унăн паянхи пурнăçне çутатать, малашлăхĕ çутă пуласса ĕненет.

24 Раштав, 2014

Ыйтса çырсан кăна парĕç

Универсаллă электрон карттисене /УЭК/ 2017 çулхи январĕн 1-мĕшĕччен граждансем хăйсем ыйтса çырсан кăна парĕç. Тивĕçлĕ саккун проектне РФ Патшалăх Думи декабрĕн 16-мĕшĕнче йышăннă. Федераци Канашĕ ырланă хыççăн саккун проектне Раççей Президентне алă пусма парĕç.

Маларах саккунпа килĕшÿллĕн 2015 çулхи январĕн 1-мĕшĕнчен карттăсене мĕнпур гражданина, çав шутра УЭК пама ыйтса çырманнисене те парассине çирĕплетнĕччĕ. Халĕ УЭКа обязательнăй йĕркепе парассине тата икĕ çула каяраха хăвараççĕ - 2017 çул пуçламăшĕччен.

Pages