УЭК

24 Раштав, 2014

Ыйтса çырсан кăна парĕç

Универсаллă электрон карттисене /УЭК/ 2017 çулхи январĕн 1-мĕшĕччен граждансем хăйсем ыйтса çырсан кăна парĕç. Тивĕçлĕ саккун проектне РФ Патшалăх Думи декабрĕн 16-мĕшĕнче йышăннă. Федераци Канашĕ ырланă хыççăн саккун проектне Раççей Президентне алă пусма парĕç.

Маларах саккунпа килĕшÿллĕн 2015 çулхи январĕн 1-мĕшĕнчен карттăсене мĕнпур гражданина, çав шутра УЭК пама ыйтса çырманнисене те парассине çирĕплетнĕччĕ. Халĕ УЭКа обязательнăй йĕркепе парассине тата икĕ çула каяраха хăвараççĕ - 2017 çул пуçламăшĕччен.

Хыпар
Экономика
УЭК
24 Утă, 2014

Общество транспорчĕпе çÿренĕшĕн

Чăваш Енре пурăнакансем кăçал пĕрремĕш çур çулта общество транспорчĕпе çÿренĕшĕн универсал электрон карттăпа /УЭК/ усă курса 17974 хут тÿленĕ. Вăтамран уйăхра çул çÿренĕшĕн УЭКпа 3 пин ытла хут тÿлеççĕ. Карттăпа çак тĕллевпе кăрлач уйăхĕнче чи сахалли усă курнă - 2333 хут, чи нумаййи - пуш уйăхĕнче /3460 хут/. Çакнашкал кăтартусемпе паллаштарать "Пĕрлехи транспорт картти" ООО.

Хыпар
Экономика
УЭК
16 Кăрлач, 2014

УЭКпа - маршрут таксийĕсенче

Чăваш Енре маршрут таксийĕсене ларнăшăн транспорт карттин, çавăн пекех УЭК пулăшăвĕпе усă курса тÿлеме пулать. Çак меслет 2013 çулхи раштав уйăхĕнчен пуçласа вăя кĕнĕ. Укçасăр тÿлев терминалĕсене Çĕнĕ Шупашкарти 14, 20 /-лĕ маршрут таксийĕсенче тата хуласен хушшинчи 626, 265.1, 555, 112, 536 /-лĕ микроавтобуссенче çирĕплетнĕ. Çакăн пирки "Пĕрлехи транспорт картти" ОООра пĕлтереççĕ.

Хыпар
Экономика
УЭК
28 Раштав, 2013

УЭК - пурне те

2015 çулхи кăрлач уйăхĕн 1-мĕшĕнчен пуçласа универсал электрон карттăна пĕтĕм граждана - УЭК илесси пирки е ăна хирĕçлесе ыйту çырманнисене - параççĕ. Çакăн пирки калакан улшăнусене федерацин "Патшалăх тата муниципалитет пулăшу ĕçĕсене парассине йĕркелесси çинчен" саккунне РФ Патшалăх Думи раштав уйăхĕн 20-мĕшĕнче кĕртнĕ.

Хыпар
Экономика
УЭК