Хыпар

1 Çĕртме, 2020

Хĕрлĕ тÿреме Республика кунĕ тĕлне юсаса пĕтермелле

Шупашкарти Хĕрлĕ тÿреме юсаса çĕнетес ĕç епле пынипе республика тĕп хулин администрацийĕн пуçлăхĕ Алексей Ладыков паллашнă. Вăл пĕлтернĕ тăрăх, подрядчик пулса пурнăçлакан «Дорисс» акционерсен обществи графикран юлса пырать. Апла пулин те палăртнине çĕртме уйăхĕн 24-мĕшĕ тĕлне вĕçлеме шантарнă. «Виçĕ эрне çеç юлать. Ĕçе хăвăртлатмалла», – тенĕ хула администрацийĕн пуçлăхĕ.

1 Çĕртме, 2020

Шупашкар тата Чăваш митрополичĕ Варнава вилнĕ

Паян, çĕртме уйăхĕн 1-мĕшĕнче, Шупашкар тата Чăваш митрополичĕ Варнава (Кедров) пурнăçран уйрăлнă. Вăл больницăна лекни пирки массăллă информаци хатĕрĕсенче çу уйăхĕн 12-мĕшĕнче пĕлтерчĕç. Варнавăн ÿпки икĕ енĕпе шыçнă. Вăл реанимаци уйрăмне лекнĕ.

29 Çу, 2020

Китай студенчĕсем Чăваш Ен пирки мĕн шухăшланине пĕлтернĕ

Вĕренӳ çулĕн пуçламăшĕнче Чăваш Ене 5 студент килнĕччĕ. Вĕсем, И.Я.Яковлев ячĕллĕ ЧППУ тата Китайри Гуйчжоу педагогика университечĕ студентсемпе тата преподавательсемпе ылмашăнса ĕçлесси пирки калаçса татăлнипе килĕшӳллĕн, кунта вырăс чĕлхипе литературине вĕренчĕç, чĕлхе практики витĕр тухрĕç, чăваш культурипе паллашрĕç.

29 Çу, 2020

Лана Прусаковăпа Дмитрий Мулендеева 2020/2021 сезон командине кĕртнĕ

Республикăри Олимп резервĕсен 2-мĕш спорт шкулĕн фристайл уйрăмне çӳрекен, Раççей спорт мастерĕсене Лана Прусаковăпа Дмитрий Мулендеева 2020/2021 сезонра фристайл енĕпе слоуп-стайл тата биг-эйр дисциплинăсенче вăй виçме Раççейĕн пĕрлештернĕ командин йышне кĕртнĕ.

Спортсменсене фристайл енĕпе нацин пĕрлештернĕ командин аслă тренерĕ, чăваш фристайл шкулĕн вĕренекенĕ Никита Васильев тата Даниил Калачев хатĕрлĕç.

Pages