Комментари хушас

1 Çĕртме, 2020

Хĕрлĕ тÿреме Республика кунĕ тĕлне юсаса пĕтермелле

Шупашкарти Хĕрлĕ тÿреме юсаса çĕнетес ĕç епле пынипе республика тĕп хулин администрацийĕн пуçлăхĕ Алексей Ладыков паллашнă. Вăл пĕлтернĕ тăрăх, подрядчик пулса пурнăçлакан «Дорисс» акционерсен обществи графикран юлса пырать. Апла пулин те палăртнине çĕртме уйăхĕн 24-мĕшĕ тĕлне вĕçлеме шантарнă. «Виçĕ эрне çеç юлать. Ĕçе хăвăртлатмалла», – тенĕ хула администрацийĕн пуçлăхĕ.

Халĕ рабочисем терраса хăмине хума хатĕрленеççĕ. Тавралăха симĕслентерекенсем ландшафт дизайнерĕсемпе канашласа епле илемлетмеллине сÿтсе яваççĕ.

Юрă-кĕвĕпе вылянтарса тăма палăртнă фонтана хитре çанталăкра кашни кунах ĕçлеттерме палăртаççĕ, 19 сехет хыççăн вăл концерт евĕр ĕçлĕ.

www.hypar.ru ladykov_official  сăн ÿкерчĕкĕ. 

Рубрика: