Раҫҫей Президенчӗн Владимир Путинăн паянхи хушӑвӗпе РФ Патшалăх Думин депутатне Олег Николаева Чӑваш Ен Пуҫлӑхӗн тивĕçĕсене вӑхӑтлӑх пурнӑҫласа пыма лартнă.
Шупашкарти çул çитмен ачасен социаллă реабилитаци центрĕнче «Шанчăк сăпки» /Колыбель надежды/ клуб ĕçлет. Унта 1,5-3 çулти тĕпренчĕксене амăшĕсемпе пĕрле йышăнаççĕ.
«Ку фестиваль пирĕн хулара тăваттăмĕш хут иртет. Çав тери килĕшет вăл мана. Çулсеренех килетĕп кунта. Пĕлĕшĕмсемпе тăвансене те чĕнетĕп. Тĕрлĕ халăхăн юрри-ташшине питĕ кăмăллатăп. Пирĕн хулара нумай наци çынни пĕр-пĕринпе килĕштерсе, шăкăл-шăкăл пурăннăшăн савăнатăп», — терĕ Çĕнĕ Шупашкарти «Химик» культура керменĕнче асăннă хулара пурăнакан Ольга Михайлова. Кăрлачăн 28-мĕшĕнче кунта «Çĕнĕ Шупашкар — халăхсен пĕрлĕхĕн тата культурисен хули» фестиваль иртрĕ.
Шупашкарти Екатерина Горбунова Пĕтĕм тĕнчери волонтер проектне хутшăнма Италие çул тытнă. И.Н. Ульянов ячĕллĕ Чăваш патшалăх университечĕн студентки унта пуш уйăхĕччен пурăнĕ.
Чăваш Ен спортсменĕсем çак кунсенче Чулхула облаçĕнчи Выкса хулинче иртнĕ шывра ишессин хĕллехи ăмăртăвĕнчен 5 «ылтăнпа» тата 1 «кĕмĕлпе» таврăннă.
Ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура ЧР Çул-йĕр фончĕн укçипе мĕнле усă курнипе транспорт министрĕн тивĕçĕсене пурнăçлакан Евгений Павлов паллаштарчĕ.
Фонд калăпăшĕ 2019 çулта 5264 миллиона яхăн тенкĕпе танлашнă. Пĕлтĕр автоçулсен 210,5 километрне юсанă, вырăнти пĕлтерĕшлĕ 25 километра яхăн çул тунă. Ытти ĕç те курăмлă.
Шупашкарта пурăнакан хĕрарăм пăрлак çул çинче шуçса ÿксе аманнăшăн ЖКХ управленийĕнчен 78,8 пин тенкĕ шыраса илет.
Кăрлачăн 23-мĕшĕнче Чăваш Республикин вĕренӳпе çамрăксен политикин министрĕ Сергей Кудряшов Канашри транспортпа энергетика техникумĕнче пулнă. Вăл çак вĕренӳ учрежденийĕ «Транснефть» акционерсен обществипе ĕçленин тĕп юхăмĕсемпе, вĕрентĕве цифрăлассипе, çавăн пекех «Вĕрентӳ» наци проектне пурнăçласси мĕнле пынипе кăсăкланнă.
«Хыпар» издательство çурчĕн «Чăваш хĕрарăмĕ» хаçат редакцийĕ тата Чăваш наци конгресĕн «Чăваш хĕрарăмĕ» комитечĕ пĕрлехи конкурс ирттереççĕ.
Паян Чăваш патшалăх оперăпа балет театрĕ умĕнчи лапамра ЧР Министрсен Кабинечĕн Председателĕ Иван Моторин ялсенчи шкулсене çĕнĕ шкул автобусĕсен уççийĕсене савăнăçлă лару-тăрура пачĕ.
Чăвашла верси
Русская версия
