Паян Чăваш патшалăх оперăпа балет театрĕ умĕнчи лапамра ЧР Министрсен Кабинечĕн Председателĕ Иван Моторин ялсенчи шкулсене çĕнĕ шкул автобусĕсен уççийĕсене савăнăçлă лару-тăрура пачĕ.
Паян, Раççей студенчĕсен кунĕ умĕн, Чăваш Республикин Пуçлăхĕ Михаил Игнатьев Шупашкарти интерьерпа дизайн центрĕнче пултарулăхри ăнтулăшун Чăваш Республикин Пуçлăхĕн стипендине тивĕçнĕ студентсемпе тĕл пулчĕ.
2020 çулта «Çурт-йĕр тата хула хутлăхĕ» наци проекчĕн шайĕнче çамрăк çемьесене çурт-йĕр туянма тата хăпартма пулăшас тĕллевпе 287 млн тенкĕлĕх социаллă тÿлев пăхса хунă. Вĕсенчен 147,2 млн тенке — федераци, 100 млн тенке — республика, 39,8 млн тенке — вырăнти бюджетсенчен уйăрĕç.
Кăрлачăн 23-мĕшĕнче Красноармейски районĕнчи Кайри Карăк ялĕнче пурăнакан Нина Егорова патне хăнасем килсе çитнĕ. Сумлă сăлтавпа! Ĕç ветеранĕ Нина Ивановна çав кун 100 çул тултарнă.
Шупашкарти Халăхсен туслăхĕн çуртĕнче «Альма матер» уяв иртĕ. Унта Марокко патшалăхĕн, Палестина, Араб, Камерун, Йемен, Сири республикисен студенчĕсем хутшăнĕç. Вĕсем пурте Чăваш Енри аслă тата професси пĕлĕвĕ паракан вĕрентÿ заведенийĕсенче ăс пахуççĕ.
Паян Чăваш Ен Пуçлăхĕ Михаил Игнатьев Старейшинăсен канашĕн членĕсемпе ĕçлĕ тĕлпулу ирттерчĕ. Унта ЧР Министрсен Кабинечĕн Председателĕн заместителĕ - Чăваш Республикин Пуçлăхĕн Администрацийĕн Ертÿçи Юрий Васильев хутшăнчĕ. Тĕлпулу Раççей Президенчĕ Владимир Путин Федераци Пухăвне çуллен яракан Çырăва сÿтсе явнинчен пуçланчĕ.
Кăрлач уйăхĕн 23-26-мĕшĕсенче Красноярск хулинче ирĕклĕ майпа тата хĕрарăмсен кĕрешĕвĕн пĕтĕм тĕнчери турнирĕ иртет.
Республикăри аварипе çăлав службисем паян 2019 çулхи ĕç кăтартăвĕсене пĕтĕмлетрĕç тата кăçалхи тĕллевсене палăртрĕç. Пĕтĕмлетÿллĕ вĕренÿпе методика пухăвĕ умĕн вĕсем Правительство çурчĕ умĕнче йĕркеленĕ куравпа паллашрĕç.
Чăннипех çапла калама пулать СССР халăх артисчĕн, Раççейри театрсен «Ылтăн маска» наци премийĕн лауреачĕн, Раççей Правительствин, ЧР Патшалăх премийĕсен лауреачĕн, К.В.Иванов ячĕллĕ Чăваш патшалăх академи драма театрĕн илемлĕх ертÿçин Валерий Яковлев пирки.
Чăваш Енре çакнашкал премишĕн фотоконкурс виççĕмĕш хут иртĕ. Пултарулăх ăмăртăвĕ кăрлачăн 17-мĕшĕнчен пуçласа утă уйăхĕн 1-мĕшĕччен тăсăлĕ.
Çакнашкал номицисем пулĕç: «Тăван Чăваш Ен илемлĕ вырăнĕсем», «Çемье йăлисем», «2019 çул пулăмĕсем». Çамрăк фотокорреспондентсем валли ятарлă номинаци — «Костинсен тăхăмĕсем» — йĕркелеççĕ. «Тăван Чăваш Ен илемлĕ вырăнĕсем» ушкăнра мала тухнă фотокорреспондент ятарлă медале тата 5 пин тенкĕлĕх премие тивĕçĕ.
Чăвашла верси
Русская версия
