Паян ЧР Пуçлăхĕн тивĕçĕсене вăхăтлăх пурнăçлакан Олег Николаев Чăваш Республикин Пуçлăхĕ çумĕнчи потребительсен прависене хÿтĕлес енĕпе ĕçлекен координаци канашĕн ларăвне ирттерчĕ.
Муркаш районĕнче «Чечеклен, юратнă Муркаш ен!» фестиваль-конкурс вăй илсех пырать. Хальхинче сцена çине Оринин ял тăрăхĕнчи пултарулăх ушкăнĕсем тухрĕç.
Чăваш Республикинче çамрăксен парламентаризмне мĕнле аталантармалла? Шăпах çак ыйтăва сÿтсе яврĕç паян Правительство çуртĕнче иртнĕ семинар-канашлура.
Иркутск тăрăхĕнчи йăхташăмăрсем Зима районĕнчи Новолетники салинче ларма йăлине кăтартни çинчен пĕлтереççĕ.
Паян Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев Правительство çуртĕнче вăрçă ветеранĕсене — 12 çынна — «Тăван çĕршывăн 1941-1945 çулсенчи Аслă вăрçинче çĕнтернĕренпе 75 çул» юбилей медалĕсем пачĕ.
Нарăс уйăхĕн 27-мĕшĕнче Чăваш патшалăх оперăпа балет театрĕнче Чăваш музыкин фестивалĕ пуçланать.
Шупашкарта урам шăлакансен конкурсне ирттернĕ. Чи лайăххисене укçан хавхалантарнă.
ЧР Пуçлăхĕн тивĕçĕсене вăхăтлăх пурнăçлакан Олег Николаев паян ирттернĕ тунтикунхи планеркăра кун йĕркинчи пĕрремĕш ыйту пĕлтĕрхи призыв тапхăрĕн пĕтĕмлетĕвĕ пулчĕ.
Юлашки çулсенче хута кайнă пуçаруллă бюджет программи нумай ял-салана хăтлăлатма май пачĕ. Клуб çĕклемелле-и, ача-пăча лапамĕ уçмалла-и… — çынсем хăйсен кĕсйинчен укçа-тенкĕ пухса ĕçе пуçăнма хирĕç мар. Паллах, ытларах пайне патшалăх уйăрать.
Нарăсăн 1-мĕшĕнче Шупашкарти Президент перинаталь центрĕнче 8 сехетрен пуçласа 13 сехетчен республикăра пурăнакансем валли Уçă алăксен кунĕ иртет.
Малтанах çырăнса хума регистратурăн çак телефонĕсемпе çыхăнмалла: 8/8352/58-20-73, 58-25-68. Акушер патне черете çырăнма 58-25-68 номерпе çыхăнмалла. Ача-пăча гинекологĕ патне ыйту пулсан 63-20-34 номерпе шăнкăравламалла. Электрон регистратура та яланах уçă.
Ирина ИВАНОВА.
Чăвашла верси
Русская версия
