Нихăçан та ан вĕçлентĕр. Чăннипех çапла калас килет. Театр — тахçан авал çуралнă искусство. Ĕмĕрсем хушши упранса паянхи куна çитнĕ. Чăвашсем те питĕ юратаççĕ театра. Унта вĕсем хăйсен пурнăçне кураççĕ. Çавăнпа сцена çинчи шăпана хăйсенни пек йышăнаççĕ.
аян республикăри прокуратура ĕçченĕсем професси кунне паллă турĕç. Çак ятпа Шупашкарта Чăваш Республикин прокуратуринче савăнăçлă уяв йĕркеленĕ. Унта Чăваш Ен Пуçлăхĕ Михаил Игнатьев та хутшăнчĕ, право хуралĕн сотрудникĕсене саламларĕ, яваплă ĕçре çитĕнÿсем тума ырă сунчĕ.
Сывлăх сыхлавĕн керменĕ — шăпах çапла хакларĕ Чăваш Республикин Пуçлăхĕ Михаил Игнатьев паян Шупашкар хула тĕп больницин нумай профильлĕ çĕнĕ поликлиникине савăнăçлă лару-тăрура уçнă май. 17 пин тăваткал метр лаптăк йышăнакан çĕнĕ çуртра ăшă, çутă, таса, хăтлă, çавăнпа ăна чăнласах та кермен темелле.
ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура, кăçалхи пирвайхи планеркăра, «вăрăм» уяв-кану кунĕсене мĕнле ирттернине пĕтĕмлетрĕç, халăх пурнăçне тивĕçтерекен объектсем çак кунсенче мĕнле ĕçленине тишкерсе хакларĕç.
Геннадий Юмарт вилни пирки Фейсбукра паян Анатолий Хмыт драматург пĕлтернĕ.
Чăваш Енре пурăнакан Роман Павлов Раҫҫей ҫăлтăрĕнчен Николай Басковран ҫавнашкал парнене тивĕҫессе ĕненмен те. Ĕҫ-пуҫ вара ак ҫапларах пулса тухнă.
Паян чӑвашсем авалтан пыракан Сурхури уявне паллӑ тӑваҫҫĕ. Христос тĕнне йышӑннӑранпа ӑна Христос ҫуралнӑ кунĕпе ҫыхӑнтараҫҫĕ.
Ҫак вӑхӑтра Шупашкарти Пукрав-Татиана чиркĕвĕнче Раштав кĕлли иртет. Ӑна Чӑваш митрополийĕн пуҫлӑхĕ, Шупашкар тата Чӑваш митрополичĕ Варнава ирттерет.
Раштав кĕллине Чӑваш Республикин Пуҫлӑхĕ Михаил Игнатьев та хутшӑнать. Ҫакна та палӑртмалла, кĕлĕсен вӑхӑтĕнче Украинӑшӑн лӑпкӑ пурнӑҫ ыйтни те пулчĕ. Ку ыйту ҫĕршыври пур чиркĕве те хумхантарать.
Хĕллехи каникул вăхăтĕнче ачасен хăрушсăрлăxне социаллă службăсем тĕрĕслесе тăраççĕ. Йĕрке хуралĕн ĕçченĕсемпе учительсем рейдсем ирттереççĕ. Çак мероприятие çул çитмен ачасене каникул вăхăтĕнче саккуна пăсассинчен асăрхаттарма, сирме йĕркеленĕ.
Паян йĕлтĕр сырма юратакансемшĕн чăн-чăн уяв — йăлана кĕнĕ «Раштав чупăвĕсем» ăмăрту — иртнĕ. Спорт уявне уçма ЧР Пуçлăхĕ Михаил Игнатьев, Патшалăх Думин депутачĕ Леонид Черкесов, ЧР Министрсен Кабинечĕн Председателĕн çумĕ — сывлăх сыхлав министрĕ Владимир Викторов, физкультурăпа спорт министрĕ Михаил Богаратов тата ытти сумлă хăна хутшăннă.
Чăвашла верси
Русская версия
