Новости по теме

«Конституцие кĕртме сĕннĕ тÿрлетÿсемпе çыхăннă сасăлав вăхăтĕнче пирĕн сăнавçăсем йĕркене пăснă тĕслĕхсене асăрхаман. Çапла вара сасăлав легитимлăхĕ тĕлĕшпе иккĕленÿ пулма пултараймасть», — çапла пĕлтерчĕ эрнекун йĕркеленĕ брифингра Общесто палатин председателĕ Алексей Судленков сасăлав мĕнле иртнине хакланă май.

Çулталăк пуçланнăранпа республикăра регистрацилекен ĕçсĕрлĕх тăруках, ултă хут, пысăкланнă. Ĕçсĕрлĕх пысăкки вара преступлени тăвассипе çыхăннă лару-тăрăва та çивĕчлетме пултарать.

Ĕçлекен çынсене шалăва вăхăтра тÿлемелле, парăмсене вара май килнĕ таран хăвăртрах татмалла. Çак шухăшсем тĕп вырăнта пулчĕç ЧР Пуçлăхĕ çумĕнчи ĕç укçине вăхăтра тата туллин тÿлессин, официаллă мар ĕçлеве чакарассин ыйтăвĕсемпе ĕçлекен ведомствăсен хушшинчи комиссин паян иртнĕ ларăвĕнче.

Сĕнтĕрвăрри районĕнче нумай ачаллă çемьесене çурт-йĕр туянма, тума социаллă тÿлев свидетельствине савăнăçлă лару-тăрура панă.

Пĕтĕмĕшле хисеп 2 646 пин тенкĕ. Район администрацийĕн пуçлăхĕн ĕçĕсене вăхăтлăх пурнăçлакан Владимир Мустаев çамрăк çемьесене ăшшăн саламланă. «Çакă сирĕншĕн кăна мар, кашни çемьешĕн, районшăн пĕлтерĕшлĕ. Районта нумай ачаллă çемьесен йышĕ ÿссех пырать», — палăртнă вăл. Сертификата Филатовсен, Нестеровсен, Волковсен çемйисем тивĕçнĕ.