Новости по теме

22 Утă, 2020

Общественниксем пулăшаççĕ

Чăваш Енри Шалти ĕçсен министерствин Общество канашĕн представителĕ Александр Соловьев ĕçлĕ çул çÿревпе Пăрачкав районне кайнă. Унта вăл полицин вырăнти уйрăмĕн пуçлăхĕпе Алексей Масеевпа тата çул çитменнисемпе ĕçлекен Антонина Глухова инспекторпа тĕл пулнă.

Енсем «Общество канашĕпе каникул» пĕтĕм çĕшыври акцие Пăрачкав районĕнче йĕркелес ыйтăва хускатнă. Ку акцие çул çитменнисене правăна пăсасран асăрхас тĕллевпе йĕркелеççĕ. Пăрачкав районĕнчи йĕрке хуралçисем Общество канашĕн пулăшăвне хапăлласа йышăннă.

Кун хыççăн кун
Хыпар
ШĔМ
Пăрачкав районĕ
акцисем
22 Утă, 2020

Полпред резервсемпе усă курма сĕнет

Паян Чăваш Енре Раççей Президенчĕн федерацин Атăлçи округĕнчи полномочиллĕ представителĕ Игорь Комаров ĕçлĕ визитпа пулчĕ.

Шупашкарти Çĕнĕ хулари шкул строительствипе паллашнă тата ЧР Пуçлăхĕн тивĕçĕсене вăхăтлăх пурнăçлакан Олег Николаевпа ĕçлĕ тĕлпулу ирттернĕ хыççăн Игорь Анатольевич Правительство çуртĕнче республикăн коронавирус инфекцийĕн условийĕсенчи социаллă пурнăçпа экономика аталанăвĕн уйрăм ыйтăвĕсемпе канашлу ирттерчĕ.

Кун хыççăн кун
Хыпар
шкулсем
визитсем
полпред
21 Утă, 2020

Олег Николаев - Елчĕкре

ЧР Пуçлăхĕн тивĕçĕсене вăхăтлăх пурнăçлакан Олег Николаев паян Елчĕк районне çитсе курчĕ. Вырăнти ертÿлĕхпе, ЧР Министрсен Кабинечĕн Председателĕн заместителĕпе - ЧР ял хуçалăх министрĕпе Сергей Артамоновпа, ЧР Патшалăх Канашĕн депутачĕсемпе Юрий Поповпа, Петр Красновпа "Прогресс" хуçалăхри урпа уйне çитсе курчĕç.

Кун хыççăн кун
Хыпар
Елчĕк районĕ
Аталану
21 Утă, 2020

Наукăпа производство пĕрлĕхĕ ăнăçăва никĕслет

Республика Пуçлăхĕн тивĕçĕсене вăхăтлăх пурнăçлакан Олег Николаев паян «ЭКРА» наукăпа производство комплексĕнче пулчĕ, предприяти ĕçĕпе паллашрĕ.

1991 çулта йĕркеленĕскер, предприяти мĕн çуралнăранпах çĕнĕ йышши оборудовани туса кăларассине тĕпе хунă. «ЭКРА» компанисен ушкăнĕн правленийĕн председателĕ Андрей Фурашов çирĕплетнĕ тăрăх, çак тĕллев халь те тĕп вырăнта: предприяти электроэнергетикăри комплекслă ĕçсене хăйĕн продукцийĕпе усă курса «вĕçне çитиччен» пурнăçлать.

Экономика
Хыпар
предприятисем
20 Утă, 2020

Шыв йăнăшсене каçармасть

Шăрăх кунсем тăнине пула шывра путса вилекенсен шучĕ ÿснĕ. Шăпах çак ыйтăва сÿтсе яврĕç ЧР Чрезвычайлă лару-тăрăва асăрхаттарас тата сирсе ярас, пушар хăрушсăрлăхĕпе тивĕçтерес енĕпе ĕçлекен комиссин иртнĕ черетсĕр ларăвĕнче.

Кун хыççăн кун
Хыпар
кану
хăрушсăрлăх
20 Утă, 2020

Шупашкарта пысăк улшăнусем пулĕç

Паян Шупашкар хула администрацийĕнче Чăваш Республикин аталанăвĕн комплекслă программине пăхса тухрĕç.

Пилĕк çуллăх ĕç-хĕл тĕллевĕсене палăртас тĕлĕшпе республика ертÿлĕхĕ темиçе уйăх каяллах ĕçлеме пуçланă. Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев палăртнă тăрăх, çак ĕç вăраха кайни кашни шухăша шута илнипе, вĕсене тĕплĕ тишкернипе çыхăннă.

Кун хыççăн кун
Хыпар
канашлусем
20 Утă, 2020

Кантăр пуçтарнăшăн

Шăмăршă районĕн прокуратури 29-ти çамрăк арçын тĕлĕшпе пуçарнă уголовлă ĕç тĕлĕшпе айăплав алă пуснă. Ăна нумай виçепе наркотиклă ӳсен-тăран пуçтарнăшăн, сутас тĕллевпе упранăшăн айăпланă.

Суд çирĕплетнĕ тăрăх, вăл пĕлтĕр авăн уйăхĕнче хăйĕн валли усă курмашкăн кантăр пуçтарнă. Полици ĕçченĕсем киле пырса тĕрĕсличчен ăна килĕнче упранă. Судпа хими экспертизи ӳсен-тăранра 14,95 грамм наркотик тупнă.

Пулса иртни
Хыпар
суд
20 Утă, 2020

Тинĕс пачах та чĕркуççи таран мар

Нумай мар, çапах промышленноçра та, ял хуçалăхĕнче те производство индексĕсем кăшт ÿснĕ. Çакăн çинчен ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен планеркăра экономика аталанăвĕн министрĕн тивĕçĕсене вăхăтлăх пурнăçлакан Инна Антонова пĕлтерчĕ.

Кун хыççăн кун
хăрушсăрлăх
канашулсем
20 Утă, 2020

Тухтăра Шупашкарта вĕреннĕ

И.Н. Ульянов ячĕллĕ Чăваш патшалăх университетĕнчен тухтăра кăçал вĕренсе тухнисенчен 59 проценчĕ çеç – хамăр тăрăхри çамрăксем. Шупашкарати аслă шкулăн медицина факультетне çĕршывăн 38 регионĕнчи çамрăксем суйланă.

«Стоматологи» енĕпе 355 çын алла диплом илнĕ, «Сиплев ĕçĕпе» – 279 çамрăк, «Педиатрипе» – 48-ăн. Медицина факультетĕнчен кăçал вĕренсе тухнисенчен 59-шĕ хĕрлĕ диплома тивĕçнĕ. Чăваш Ен Сывлăх сыхлав министерствин направленийĕпе вĕреннĕ 82 çамрăк хăйсем хăш больницăра ĕçлессине халех пĕлеççĕ.

Сывлăх
аслă шкулсем
çамрăксем
тухтăрсем
20 Утă, 2020

Патшалăх наградине сутнă

Канаш районĕнче пурăнакан 47 çулти арçынна патшалăх наградисене сутнăшăн айăпласшăн. Ун тĕлĕшпе РФ Уголовлă кодексĕн 324-мĕш статйипе килĕшÿллĕн уголовлă ĕç пуçарнă. Канаш район арçынни патшалăх наградисене Шупашкарти пасарта темиçе çул каялла туяннă.

Пулса иртни
Канаш районĕ

Pages

Хыпарсем