Паян — Çемье, юратупа шанчăклăх кунĕ. Патăрьел районĕнче вăрах вăхăт пĕр-пĕринпе килĕштерсе пурăнакан çемьесене чысланă. «Юратупа шанчăклăх» общество наградине ку тăрăхри виçĕ çемье илме тивĕçнĕ: Леонтипе Анисия Александровсем, Николайпа Зинаида Хураськинсем, Семигулпа Гельшат Басыровсем.
Паян Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев республикăри çемьесемпе видеоçыхăну мелĕпе калаçрĕ.
Апат-çимĕç туса кăларакан промышленноç аталанăвĕ ЧР Пуçлăхĕн тивĕçĕсене вăхăтлăх пурнăçлакан Олег Николаевăн ытларикунхи кун йĕркинче тĕп вырăнта пулчĕ.
Суйлавçăсем вăл е ку кандидата ырланине палăртса Патшалăх пулăшăвĕсен пĕрлехи порталĕ урлă электронлă мелпе алă пусма пултараççĕ. Çакăн пирки ЧР Тĕп суйлав комиссийĕн председателĕ Александр Цветков тата ЧР информполитика министрĕ Михаил Анисимов паян йĕркеленĕ брифингра каласа кăтартрĕç.
Паян ЧР Пуçлăxĕн тивĕçĕceне вăxăтлăx пурнăçлакан Олег Николаев ĕçлĕ çул çÿревпе Сĕнтĕрвăрри районĕнче пулчĕ.
Паянхи канашлура ЧР Патшалăх ветеринари службин ертӳçи Костантин Викторов хăй ертсе пыракан тытăмăн 2024 çулчченхи аталанăвĕн стратегийĕпе паллаштарчĕ.
ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлура паян Чăваш Республикин ял хуçалăх министрĕ Сергей Артамонов граждансен пуçарăвĕсемпе килĕшӳллĕн пурнăçлакан инфратытăм проекчĕсемпе тата ял ипотекипе мĕнле ĕçлени çинчен каласа пачĕ.
Паян ЧР Пуçлăхĕн тивĕçĕсене вăхăтлăх пурнăçлакан Олег Николаев ĕç тăвакан влаç органĕсен тата муниципалитетсен ертӳçисемпе канашлу ирттернĕ.
Кăçал патшалăх экзаменĕсене аслă шкула вĕренме кĕрес текенсем çеç тытаççĕ. Çакна тĕнчере сарăлнă коронавирус инфекцийĕ кăларса тăратакан хăрушлăхпа çыхăнтарнă.
Вырăс чĕлхипе экзамен тытакансен йышĕ яланах пысăк. Çавна шута илсе кăçал ку тĕрĕслеве икĕ кун ирттерме йышăннă. Аса илтеретпĕр, аудиторире 9 çыннăн çеç пулма юрать.
Утă уйăхĕн 6-мĕшĕнче Чăваш Енре 4100 çын экзамен тытнă, 7-мĕшĕнче вара — 1460. Патшалăх тĕрĕслевне ирттерме республикăра 36 пункт ĕçлет.
Раççей хоккей федерацийĕ тата Аслă хоккей лиги йышăннă тăрăх, "Шупашкар" хоккей команди Аслă хоккей лигин первенствин кĕмĕл призерĕ пулса тăнă.
Федераци Кубокĕн çĕнтерӳçисене суйланă чухне чемпионатсен тата плей-оффсен результачĕсене, статистика даннăйĕсене шута илнĕ. "Челны" ХК /Çыр Чалли/ 57 очкопа çĕнтернĕ, "Шупашкар" ХК /тренерĕ — Александр Протапович/ вара 50 очкопа 2-мĕш вырăна тивĕçнĕ.
Чăвашла верси
Русская версия
