Йĕркелĕх

ЧР Пуçлăхĕн Администрацийĕн ертÿçи Юрий Васильев Чăваш Республикинче правăна пăсасран сыхланмалли профилактика енĕпе ĕçлекен комисси ларăвне уçнă чухне каланиех сăмах самай хивре пуласса систерчĕ: «Мĕн чухлĕ калаçатпăр — курăмлă улшăнусем çук...»

Нарăсăн 21-мĕшĕнче Вăрмар район сучĕ Тăвай районĕнче пурăнакан 41 çулти Тамара Иванова тĕлĕшĕпе пуçарнă уголовлă ĕçе пăхса тухнă. Ăна влаç представительне хĕненĕшĕн айăпланă.

Пĕлтĕрхи юпа уйăхĕнче каçхи пилĕк сехет тĕлĕнче полицин дежурнăй чаçне кÿршĕсем çапăçса кайни пирки шăнкăравласа пĕлтернĕ. Чĕннĕ çĕре следстви тата оперушкăн çитнĕ. Шар курнă хĕрарăм хăйне кÿрши хулăпа хĕненине пĕлтернĕ, çакăншăн айăплине явап тыттарма ыйтнă.

ЧР Пуçлăхĕ çумĕнчи Чăваш Республикинчи йĕркелĕхе тивĕçтерес енĕпе ĕçлекен координаци канашлăвĕн ĕнерхи ларăвĕн кун йĕрки самай анлă, сăмах илекен йышлă пулчĕ, çапах тĕп калаçу алкоголь çаврăнăшĕпе çыхăннă саккунсене пурнăçласси тавра пычĕ темелле-тĕр. Ку енĕпе лару-тăру чăннипех çивĕч.

Республика территорийĕнче çын йышлă пулакан вырăнсенче паян 9 пин ытла видеосăнав камери ĕçлет. Вĕсенчен 291-шне полицин дежурнăй чаçĕсемпе çыхăнтарнă. «Гражданин-полици» çыхăну комплексĕсем, «Хăрушлăхсăр хула» тытăм тата ыт. те Техникăпа çыхăннă çак çĕнĕлĕхсем реформăна пула ШĔМ йышне чакарнине пăхмасăр преступленисен шутне пĕчĕклетме май панă.

Subscribe to Йĕркелĕх