Новости по теме

28 Пуш, 2022

Атайкассинче çĕнĕ клуб пулатех

«Эпир вун виçĕ çул хушшинче клуб ыйтăвĕпе ăçта кăна çитмерĕмĕр, пире пур çĕрте те пĕр япаланах калаççĕ. Анчах ĕç-пуç малалла кайни курăнмасть», - терĕ йышăну пӳлĕмĕнче Шупашкар районĕнчи Атайкасси ялĕн пуçаруллă ушкăнĕн ячĕпе Надежда Щербакова.

Кун хыççăн кун
28 Пуш, 2022

Ентешсем пуçтарăнсан...

Елчĕк районĕ йĕркеленнĕренпе 95 çул çитнине тата Паллă ентешсен çулталăкне халалласа Шупашкарта Елчĕк районĕн ентешлĕх кунĕ иртнĕ.

Уява килнисем çак район пурнăçне сăнлакан куравпа паллашнă, илемлĕ юрă-ташăпа киленнĕ. Сумлă хăнасем елчĕксене ĕçченлĕхĕшĕн, çирĕп тĕллевлĕхĕшĕн, пĕр-пĕрне яланах пулăшма хатĕр пулнишĕн ырланă. Хастар ĕçпе палăрнисене сцена çинче чысланă.

www.hypar.ru

Культура
28 Пуш, 2022

Сасăлава тăснă

Чăваш Енĕн «Руна çулĕ» проекчĕ «Комсомольская правда» Издательство çурчĕн «Маршрут построен» премийĕшĕн кĕрешет.

Уншăн сасăлас тесен интернетра www.travel.spec.kp.ru каçăпа иртмелле. Çулталăк идейи пулса тăрассишĕн «Руна çулĕпе» пĕрлех ытти регионсен проекчĕсем те ăмăртаççĕ. Унччен сасăлав пуш уйăхĕн 31-мĕшĕнче вĕçленет тенĕ пулсан халĕ ăна ака уйăхĕн 11-мĕшĕччен тăснă.

Культура
28 Пуш, 2022

Ирех - пăр çинче

Иртнĕ канмалли кунсенче ир-ирех Çĕнĕ Шупашкар çывăхĕнчи Атăл пăрĕ çинче хĕрачасем чупса çӳренине асăрханă.

Шыравпа çăлав службине çакнашкал хыпар çитсен каланă вырăна ятарлă «Ижора» кимĕ васканă. Хĕрачасене пăр çинчен кăларнă. Анчах ирхи 7-8 сехетсенче вĕсем унта мĕншĕн тухнă-ха? Çак ыйтăва çул çитменнисемпе ĕçлекен инспекторсем ачасен ашшĕ-амăшĕпе уçăмлатĕç.

Пулса иртни
28 Пуш, 2022

Маунтинбайк ăмăртăвӗнче - «ылтăн»

Иртнĕ канмалли кунсенче Краснодар крайĕнче маунтинбайк енĕпе Пĕтĕм Раççей ăмăртăвĕсем иртнĕ.

Чăваш спортсменĕ Алексей Анисимов 17-18 çулсенчисен ушкăнĕнче «ту çине ăмăртмалла хăпарасси» дисциплинăра ылтăн медаль çĕнсе илнĕ. 2 километра вăл 19 минут та 49 çеккунтра парăнтарнă. Палăртмалла: Алексей — Олимп резервĕсен В.Ярды ячĕллĕ 7-мĕш спорт шкулĕн тата Шупашкарти В.М. Краснов ячĕллĕ олимп резервĕсен училищин воспитанникĕ, спорт мастерĕн кандидачĕ.

Спорт
28 Пуш, 2022

Тивӗçе пурнăçлакан çеç мар

Нумай хваттерлĕ çуртсен капиталлă юсавĕн республика фончĕн директорне Светлана Барановăна çирĕплетнĕ.

Хушăва Чăваш Ен Пуçлăхĕ Олег Николаев пуш уйăхĕн 28-мĕшĕнче алă пуснă. Кăрлач уйăхĕнче Светлана Павловна Фонд ертӳçин тивĕçне пурнăçлама тытăннăччĕ.

Кун хыççăн кун
28 Пуш, 2022

Çамрăк шыравçăсем пухăннă

Пуш уйăхĕн 24-27-мĕшĕсенче Чăваш Енре студентсен шырав отрячĕсен Пĕтĕм Раççейри слечĕ иртнĕ.

Мероприятие çĕршыври 43 регионран 150 çамрăк шыравçă пуçтарăннă. Çав йышра — И.Н. Ульянов ячĕллĕ ЧПУн «Георгий хăйăвĕ» тата И.Я. Яковлев ячĕллĕ ЧППУн «Астăвăм» шырав отрячĕсем. Слета хутшăнакансем валли вĕренӳ тата культура программи хатĕрленĕ, йышпа ĕçлемешкĕн хăнăхтарма ăсталăх класĕсем ирттернĕ. Çавăн пекех студентсем музейсене çитсе курнă, Чăваш Енре шырав юхăмне йĕркелекенсемпе тĕл пулнă.

Çамрăксем
26 Пуш, 2022

Таврапӗлӳҫӗсем тӗл пулчӗҫ

Халĕ çeç Чăваш таврапĕлÿçисен пĕрлĕхĕн 14-мĕш cъезчĕ xăйĕн ĕçне вĕçлерĕ. Организацин иртнĕ тапхăрти ĕçĕ-xĕлĕ çинчен пĕрлĕх председателĕ Ceргей Сорокин доклад турĕ.

Cъезда Тутарстанран, Чĕмпĕр облаçĕнчен, Чăваш Енри районсенчен килнĕ 123 делегат хутшăнчĕ. Вĕceне  пĕрлĕхе йĕркелесе янă Виталий Станьял саламларĕ, ял-xулана тĕпчеме aчасемпе çaмрăксене явăçтарма чĕнсе каларĕ.
Cъезд пĕрлĕхĕн ĕçтăвкомне çĕнетрĕ. Пĕрлĕxe Ceргей Сорокин тата 3 çyл ертсе пырĕ.

Культура

Pages

Хыпарсем