Новости по теме

21 Пуш, 2022

Газ плити туянма та пулӑшаҫҫӗ

Кил-ҫурта ҫут ҫанталӑк газне кӗртекен хӑш-пӗр ҫынсене ЧР Правительстви укҫан пулӑшу кӳрет. Газ кӑмакипе плитине тата шутлав хатӗрне туянса тӑкакланӑ укҫана саплаштарса параҫҫӗ.

Ку пулӑшӑва вӑрҫӑ ҫулӗсенче тылра тӑрӑшнисем, ӗҫ ветеранĕсем, вӑрҫӑ ачисем, сусӑр ҫынсем е сусӑр ача ҫитӗнтерекен ҫемьесем тата нумай ачаллӑ ҫемьесем тивĕçме пултараҫҫӗ.

Потребителе
21 Пуш, 2022

Аграрисем ҫуракине 2-3 эрнерех вӗҫлесшӗн

Ҫурхи кун ҫулталӑк тӑрантарать. Ял хуçалăх предприятийӗсемпе фермер хуҫалӑхӗсем акана хатӗрленеҫҫӗ. Кӗрхи культурăсем аван хӗл каҫни, аграрисем хатĕр пулни ҫурхи ӗҫсене 2-3 эрнерех пурнӑҫлама май парасса шанаҫҫӗ.

Кӑҫал тыр-пул лаптӑкӗсем 545 пин гектар йышăнӗҫ. Пӗлтӗрхинчен ытларах. Ҫӗр улмипе пахча-ҫимӗҫ лаптӑкӗсене ӳстереҫҫӗ.

Ял хуçалăхĕ
19 Пуш, 2022

"Концлагерь" вакунĕ чуна çÿçeнтерет

Клара ПЕТРОВА, Етĕрне районĕнчи Советски шкулĕн вĕрентекенĕ:

- Интереслĕ пулать тесе малтанах шухăшланă. Анчах шухăшланинчен те кăcăклăpax пулчĕ. Вăpçă çинчен нумай кино курса ýcpĕмĕp. Халĕ хамăp çaв вăxăтра, çaв пурнăçpa пулса курнă пекех туйăнчĕ. Куçca çýpeкен музейăн кашни вакунĕ тыткăнларĕ. Аудиогид каласа кăтартни те çaв тери чуна пырса тивет - куçpa куççyль пуçтарăничченех.

Культура
18 Пуш, 2022

Пулас журналистсем - "Хыпарта"

Паян «Хыпар» Издательство çуртĕнче И.Н.Ульянов ячĕллĕ Чăваш патшалăх университечĕн чăваш тата вырăс филологийĕпе журналистика факультетĕнче вĕренекен 1-мĕш курс студенчĕсем хăнара пулчĕç.

Вĕсем «Хыпар» ИÇ директорĕпе Татьяна Вашуркинăпа тĕл пулса хаçат-журналăн ĕçĕ-хĕлĕпе паллашрĕç.

www.hypar.ru  Василий Кузьмин сăн ÿкерчĕкĕсем

Кун хыççăн кун
18 Пуш, 2022

Цифра танмарлăхне пĕтерессипе малалла ĕçлесшĕн

Аслă экономика канашĕ ку хутĕнче цифровизаци темине тĕпе хучĕ. Унăн эрнекун иртнĕ черетлĕ ларăвĕнче экономика отраслĕсен, социаллă сферăн тата патшалăх управленийĕн цифра трансформацийĕн ыйтăвне тĕплĕ тишкерчĕç.

Кун хыççăн кун
18 Пуш, 2022

Крым Республикипе Севастополь хули Раççей Федерацине кĕнĕренпе 8 çул çитрĕ

2014-мĕш çулта çак ыйтупа Крым çурутравĕ çинче референдум иртнĕ. Унта хутшăннă çынсен 96 проценчĕ Раççей йышне кĕрессишĕн сасăланă.
Çак историллĕ пулăма халалласа паян Шупашкарта, Хĕрлĕ тÿремре хаваслă концерт иртет. 17 сехет çурăра пуçланать. Уяв ĕç-пуçĕ вăхăтĕнче тĕп хулари лавккасенче эрех-сăра сутмаççĕ. 

www.hypar.ru         Сăн ÿкерчĕкĕ: Кemerovo.bezformata.com

Кун хыççăн кун
18 Пуш, 2022

Шупашкарта ача садне çÿренишĕн тÿлекен хак ÿсет!

Ака уйăхĕн 1-мĕшĕнчен ача садне çÿрекен шăпăрланшăн кунне 138 тенкĕ те 20 пус тÿлемелле пулĕ ашшĕ-амăшĕн. Яслире 10 пус йÿнĕрех – 138 тенкĕ те 10 пус пулĕ.
Паянхи кун вара ашшĕ-амăшĕ 115 тенкĕ тÿлет. Çак хака 2018-мĕш çултанпа ÿстермен.  

www.hypar.ru

Новшество
18 Пуш, 2022

Çĕршывăн кăнтăр регионĕсенчи аэропортсем тата тепĕр эрне ĕçлемĕç

Самолётсене  пуш уйăхĕн 26-мĕшĕчченех вĕçме чарнă. Çак чару Анапа, Белгород, Брянск, Воронеж, Геленджик, Краснодар, Курск, Липецк, Дон çинчи Ростов, Симферополь тата Элиста хулисен аэропорчĕсене пырса тивет. 
Пассажирсене урăх аэропортсем урлă çитме сĕнеççĕ. Сăмахран, кулленех  Сочи, Волгоград, Минеральные Воды, Ставрополь  хулисене   самолетсем вĕçеççĕ.
Шупашкартан Краснодара тата каялла пурнăçланакан авиарейс вара хальлĕхе пурнăçланмасть. Билет туянса хунă çынсене  укçана е каялла тавăраççĕ, е билета  урăх рейспа улăштарса параççĕ.

Кун хыççăн кун

Pages

Хыпарсем