Газ плити туянма та пулӑшаҫҫӗ

Кил-ҫурта ҫут ҫанталӑк газне кӗртекен хӑш-пӗр ҫынсене ЧР Правительстви укҫан пулӑшу кӳрет. Газ кӑмакипе плитине тата шутлав хатӗрне туянса тӑкакланӑ укҫана саплаштарса параҫҫӗ.

Ку пулӑшӑва вӑрҫӑ ҫулӗсенче тылра тӑрӑшнисем, ӗҫ ветеранĕсем, вӑрҫӑ ачисем, сусӑр ҫынсем е сусӑр ача ҫитӗнтерекен ҫемьесем тата нумай ачаллӑ ҫемьесем тивĕçме пултараҫҫӗ.

Пулӑшу хисепӗ 20 пин тенке яхӑн. Ӑна илес текен ҫыннӑн райадминистрацин социаллӑ хӳтлĕх пайне пырса ҫыру ҫырмалла, ятарлӑ документсене тата газ хатӗрӗсем туяннине ҫирӗплетекен чексене тӑратмалла.

www.hypar.ru