Новости по теме

16 Пуш, 2022

"Кӑвак ҫулӑм" килсене ҫитет

Кил-ҫурта ҫут ҫанталӑк газӗ кӗртсе юлмалли чи меллӗ самант! Çӗр-шывра ятарлӑ программа пурнӑҫланать. Ҫынсене газ пӑрӑхне ҫӗр лаптӑкӗн чикки таран тӳлевсӗрех ҫитерсе параҫҫӗ.

Ҫак ҫӑмӑллӑхпа усӑ курма паянхи куна 3100 ҫын кӑмӑл тунӑ. Вӗсенчен ҫурри ытларахăшӗ телейлисен йышне кӗнӗ, вӗсен заявкисене ырласа килӗшӳсем ҫирӗплетнӗ.

Кун хыççăн кун
16 Пуш, 2022

Типӗ курӑка ҫунтарнишӗн - штраф!

Кӑҫалтан ҫакнашкал киревсĕр хӑтланнӑшӑн явап тытма тивӗ. Ҫакӑн пирки Республика Пуҫлӑхӗ Олег Николаев ҫирӗппӗн татса каланӑ. "Асӑрхаттарни кӑна ҫителӗксӗр, явап тыттарма пуҫламалла", - палӑртнӑ Олег Алексеевич.

Пӗлтӗр республикӑра типӗ курӑка ҫунтарнине пула 5 ҫурта пушар ҫавӑрса илнӗ. Ҫулӑмра ҫынсен пурнӑҫӗ татӑлнӑ тӗслӗхсем те пулнӑ.

Кун хыççăн кун
16 Пуш, 2022

Ҫул пайлайман

Шупашкарти Трактӑр тӑвакансен проспектĕнче ҫул-йӗр пӑтӑрмахӗ пулнӑ.

Тиев машини чарӑнуран тухакан маршрут автобусне ҫул паман иккен, тӳрремĕнех ун ҫине пырса кĕнӗ... Ҫавна пула автобус ҫумри троллейбуса пырса ҫапӑннӑ. Инкекре 2 хӗрарӑм аптăранӑ.

www.hypar.ru Уçă çăл куçсенчен илнĕ сăн ÿкерчĕк

Пулса иртни
16 Пуш, 2022

Путвалтан пуҫласа - чӳречесем таранах ҫӗнетӗҫ...

Республикӑри 16 шкула тӗплӗн юсама аукционсем пуҫарса янӑ. Ҫак йыша Вӑрнар районĕнчи Нурӑс (Калинино) шкулӗ, Канаш хулинчи 10-мӗш, Йӗпреҫри 2-мӗш, Вӑрмарти Егоров ячӗллӗ шкул, Хӗрлӗ Чутай районĕнчи Питӗркассинчи, Шупашкар районĕнчи Атайкассинчи шкулсем кӗнӗ.

Вĕрентÿ
16 Пуш, 2022

Кил-çуртсăр йытăсене тытаççĕ

Çĕнĕ Шупашкарта кил-çуртсăр йытăсене тытма пуçланă.

Çак кунсенче 5 анчăка тытса Шупашкарти ятарлă приюта илсе кайса янă. Вĕсене кунта сиплеççĕ, стерилизаци тата вакцинаци тăваççĕ. Унтан вара çутçанталăка каялла кăларса яраççĕ е çĕнĕ хуçа тупма пулăшаççĕ.

Кун хыççăн кун
16 Пуш, 2022

Каллех ачасене эвакуациленĕ

Паян республикăри 62 вĕренÿ учрежденине сирпĕнекен хатĕрсем вырнаçтарнă текен хыпар çитнĕ.

Канаш районĕнче  29 шкулпа 18 ача садĕнчен,  Шупашкарти 3 шкулпа 9 ача садĕнчен тата 2 колледжпа 1 аслă шкултан вĕренекенсемпе ĕçченсене эвакуациленĕ. Вĕсене вăхăтлăха çывăхри учрежденисене илсе кайса вырнаçтарнă.

Полици ĕçченĕсем кашни шкулпа ача садне тĕплĕн тĕрĕслеççĕ.

Пулса иртни
16 Пуш, 2022

Сакăр çул Раççей хÿттинче!

Крым  Республики тата Севастополь хули  Раççей йышне кĕнĕренпе 8 çул çитет. Çакна халалласа çитес эрнекун Шупашкарта хаваслă концерт пулать. «Крым  çуркунни»  ятлă уява 2014-мĕш çултанпа йĕркелетчĕç. Анчах та, эпидемиологи лару-тăрăвĕ йывăрланнине шута илсе,  юлашки çулсенче  концерта ирттермен.  Кăçал вара тинех ырă йăлана тавăрнă.

Кун хыççăн кун
15 Пуш, 2022

Çуркунне: çамрăклăх палли

Чăннипех çапла калама пулать Чăваш патшалăх оперăпа балет театрĕнче çулленех çурхи кунсенче иртекен Пĕтĕм тĕнчери балет фестивалĕ пирки.

Кăçалхине, ăна ака уйăхĕн 8-13-мĕшĕсенче ирттерме палăртнă, Чăваш Енри Паллă ентешсен çулталăкне халалланă.

Культура
14 Пуш, 2022

Математика пĕлĕвĕпе тупăшнă

Республикăра «Математика тата сăнарлă искусство» пултарулăх конкурсĕпе интернет олимпиада иртнĕ.

Унта 5-11-мĕш классенче вĕренекен 553 ача хутшăннă. 66 ĕçе чи лайăххисен шутне кĕртнĕ. Çĕнтерӳçĕсене Шупашкарти «Радуга» культурăпа курав центрĕнче чысланă. Вĕсенчен чи хастаррисем — Юлия Александрова /Çĕрпӳри 2-мĕш шкул/ тата Кира Шпынева /Совет Союзĕн Геройĕн А.В. Кочетов ячĕллĕ Чăваш кадет корпусĕ/.

Вĕрентÿ

Pages

Хыпарсем