Новости по теме

Спортсменсемпе тренерсемшĕн кăмăллă хыпар пур. Вăл регион ертӳçин Çырăвне пурнăçлассипе çыхăннă. Паян Правительствăн пĕрремĕш вице-премьерĕ-финанс министрĕ Михаил Ноздряков ертсе пынипе иртнĕ ларăвĕнче Спорт министрĕ Василий Петров пĕтĕм тĕнчери ăмăртусенче пысăк кăтартусемпе палăрнă спортсменсене, вĕсен тренерĕсене тӳлекен премисене ӳстересси çинчен калакан йышăну хатĕрлени çинчен пĕлтерчĕ.

Тăван çĕршывăн Аслă вăрçи пулнăранпа нумай вăхăт иртрĕ пулин те çав нушана тӳссе ирттернисен аса илĕвĕсем халĕ те чĕрĕ.

Канаш районĕнчи Кăшнаруй ялĕнче 2 хваттерлĕ çуртра пушар тухсан 70 çулти арçынна сĕрĕм тивнĕ. Вăл урама хăй тĕллĕн тухайман.

Раççей МЧС службин ĕçченĕсем вăхăтра çитсе ăна çунакан çуртран илсе тухнă. Арçынна Канаш районĕн тĕп больницине сиплеве вырнаçтарнă. Пушарнăйсем алхасакан çулăма 20 минутра сӳнтернĕ. Пӳртри япаласем, сĕтел-пукан çунса кĕлленнĕ. Çулталăк пуçланнăранпа республикăра 133 пушар тухнă. Пурлăх тăкакĕ пĕтĕмпе — 1,5 миллион тенке яхăн. 10 çынна çăлса хăварайман, 10-шĕ суранланнă.

Пуш уйăхĕн 15-мĕшĕнчен пуçласа çу уйăхĕн 20-мĕшĕччен çĕршыври шкулсенче Пĕтĕм Раççейри тĕрĕслев ĕçĕсем /ВПР/ иртĕç.

4-мĕш класра вĕренекенсен — виçĕ, 5-мĕшсен тăватă предметпа çырмалла пулĕ. 6-8-мĕш классенче 2 предметпа /вырăс чĕлхипе математика/ пурин те тĕрĕслеве хутшăнмалла, тепĕр икĕ предмета вара — суйламалла. 10-11-мĕш классем тĕрĕслев ĕçне пуш уйăхĕн 1-25-мĕшĕсенче ирттерĕç — хăш кунне кашни шкул хăй палăртать.