Новости по теме

Шупашкар тата Куславкка районĕ Республика кунне хатĕрленме тытăнмашкăн пултараççĕ. Праçникĕн тĕп мероприятийĕсем кăçал тĕп хулара тата асăннă районта иртĕç - Министрсен Кабинечĕ ЧР Пуçлăхĕ Олег Николаев ертсе пынипе юнкун иртнĕ ларура уяв мероприятийĕсен планне çирĕплетрĕ.

Чăваш энергосбыт компанийĕ пĕлтерет: «Клиентăн уйрăм кабинетĕнче», мобильнăй приложенире тата компанин клиент офисĕсенче электроэнергишĕн комиссисĕрех тӳлеме пулать.

РФ Правительствин 05.09.2019 ç. кăларнă 1164-мĕш «Раççей Правительствин хăш-пĕр актне улшăнусем кĕртесси çинчен» йышăнăвĕпе килĕшӳллĕн банксен, ытти организацин пулăшу ĕçĕсеме çыхăннă тăкаксене электроэнерги сутассишĕн яваплă компанисен расхучĕсенчен кăларнă.

Документсем юрăхсăра тухсан е пурнăçри ытти лару-тăрăва пула харпăрлăха палăртмалла чухне дактилоскопи мелĕ пулăшĕ.

Дактилоскопи регистрацийĕ тесе çыннăн пӳрне вĕçĕнчи йĕрсен уйрăмлăхĕ тата ун çинчен информаци илнине калаççĕ. Çакна кашнин кăсăкланăвне, саккун прависене, çын сывлăхне тата хăрушсăрлăхне хӳтĕлес тĕллевпе пурнăçлаççĕ. Астăвăм япăххипе аптăракансемшĕн ку уйрăмах пĕлтерĕшлĕ. Çын хăйĕн пирки нимĕн калаймасан та дактилоскопи вăл камне палăртма пулăшĕ.

Ĕç министерствин тӳрех виçĕ учрежденине çĕнĕ директорсем ертсе пырĕç.

Чăваш Республикин ĕçпе тивĕçтерекен центрĕн директорне Виктор Ковалева лартнă. Ĕçпе тивĕçтерекен службăра вăл 1999 çултанпа ĕçлет. Етĕрне районĕнче специалистран пуçласа пай ертӳçине çитнĕ. ЧР Ĕçпе социаллă хӳтлĕх министерствинче те тăрăшнă.