Archive - Хресчен сасси

Ирпе чылайăшĕ вăхăт çитменние апат та çимест е кофе ĕçнипех çырлахать. Кăнтăрла тĕлне вара çав тери выçса çитнипе ăна-кăна уямасăрах тем тепĕр çиет. Çакна ас тумалла: ирхи апат тутă тытмалла, хырăма йывăрлатмалла мар. Мĕн çимелле-ха?

Пăтă. Чи лайăххи – сĕлĕ пăтти. Майĕпен ирĕлнине кура вăл чылайччен тутă тытать.

Пыл. Çывăрса тăнă хыççăн организма вăй кирлĕ. Пылри фруктоза вара самантрах вăй-хал хушать.

Çăмарта. Белокпа пуянскер сĕлĕ пăттипе лайăх килĕшсе тăрать.

Юн пусăмĕ хăпарсан пуç ыратать, хăлхара шав тăрать, чĕре хăвăрттăн тапать. Кун пек чухне мана шур çырли (клюква) пулăшать. 2 стакан çырлана сахăрпа хутăштарса икĕ пая пайлатăп. Ирпе-каçпа, апат умĕн 20 минут маларах, çисе яратăп. Чирĕн пуçламăш тапхăрĕнче кĕтмел (брусника) сĕткенĕ те пулăшать.

• Пан улми пуриншĕн те усăллă. Унта тĕрлĕ витамин нумай. А витамин инфекци чирĕсенчен сыхланма, куç çивĕчлĕхне ÿстерме пулăшать. Сайра-хутра тĕл пулакан G витамин вара апат ирĕлтерес ĕçе лайăхлатать, ÿсме пулăшать. С тата В ушкăнри витаминсемпе те пуян пан улми.

Республика Пуçлăхĕ Михаил Игнатьев лавккаран пахча çимĕçĕ туянмасть. Пĕтĕмпех хăйсен: çимелĕх те, сутмалăх та. Çакăн çинчен вăл журналистсемпе ирттернĕ пресс-конференцире пĕлтĕмĕр. «Шупашкар районĕнчи Янăшра пирĕн çемьен çурт пур, ун çумĕнче – 26 сотка çĕр. Пахча çимĕç, улма-çырла туса илетпĕр. Ачасем çăвĕпех унта.

Раççей пире хирĕçле санкцисем йышăннă çĕр-шывсенчен çулталăклăха апат-çимĕç турттарма чарăнать. Мĕнлерех йышăнаççĕ-ха Владимир Путин указне пирĕн республикăра?

Владимир АЛЕКСЕЕВ, Шăмăршă район администрацийĕн ял хуçалăхĕпе экологи уйрăмĕн пуçлăхĕ:

Сĕнтĕрвăрри районĕнчи Çичĕпÿртри культура çуртне уçнăранпа кăçал 55 çул çитет. Йывăç çурта тул енчен хитре «тумтир» тăхăнтартнă. Иртнĕ çул Шĕнерпуç ял тăрăхĕ ятарлă программăна хутшăнса укçа-тенкĕллĕ пулнă. Çавна май асăннă клуб валли те нухрат тупăннă кăштах. Шел, ăна шал енчен юсама укçа çитмен.

Раççей пире хирĕçле санкцисем йышăннă çĕр-шывсенчен çулталăклăха апат-çимĕç турттарма чарăнать. Мĕнлерех йышăнаççĕ-ха Владимир Путин указне пирĕн республикăра?

Владимир Васильев, Сĕнтĕрвăрри район администрацийĕн ял хуçалăх пайĕн пуçлăхĕ:

Кăçал «Лада» текен чĕкĕнтĕр нумай акса хăвартăмăр. Хитре çитĕнчĕ. Анчах хăшĕ-пĕыяитерме юрамасть, сĕт çулĕ хĕсĕнет тет. Тĕрĕсех-ши? Виноград ăнса пулчĕ. Ăна сăпсаран мĕнле упрамаллине пĕлместпĕр.

Ольга Тимайкина. Патăрьел районĕ, Тури Чакă.

Хисеплĕ Ольга Дмитриевна, ахалех пăшăрханатăр. Выльăх кăшманĕ питĕ паха апат, вăл сĕт хăвалама пулăшать. Çакна ял хуçалăх министерствинче ĕçлекенсем те çирĕплетрĕç.

Ĕнене выльăх кăшманĕ, кавăн, çĕр улми, клевер утти çитерсен сĕт çулĕ хĕсĕнет е питĕрĕнет тени тĕрĕс мар.

Хисеплĕ редакци, сирĕн хаçата мĕн тухма пуçланăранпах çырăнса илетпĕр. Кашни номерне чăтăмсăррăн кĕтетпĕр. Тархасшăн, саркома чирĕ пирки çырса пĕлтерсемĕр. Халăх меслечĕсемпе сипленме май килмĕ-ши?

Светлана. Патăрьел районĕ.

Вăрмар районĕнчи Кавал ялĕнче ниме мелĕпе тата халăх укçи-тенкипе Çветтуй Михаил Архангел ячĕллĕ чиркÿ тăваççĕ. Турă çуртне ырă кăмăл-туйăмпа хăпартмалла. Мĕншĕн тесен этеме пурнăçра хăш çулпа утмаллине турă хăй суйлама ирĕк парать.

Ку чиркĕвĕн шăпи – кăсăклă. Ăна 1757 çулта халăх укçи-тенкипе тунă. Вăл йывăçран пулнă. Çак çултан пуçласа Кавала сала тесе палăртнă. Хăй вăхăтĕнче прихутра 3 чиркÿпе прихут шкулĕ, хутла вĕрентекен 3 шкул, земство тата туслăх шкулĕсем ĕçленĕ.