Асра тытма

Кукаçи çуркунне çитессе чăтăмсăррăн кĕтетчĕ. Хурăн папки тухма тытăнсанах сĕткенне пуçтаратчĕ вăл. Çапла майпа сывлăхне çирĕплететчĕ. Кукаçи чылай çул артритпа чирлетчĕ. Хурăн сĕткенне ĕçнĕ хыççăн унăн сывлăхĕ лайăхланатчĕ. Сиплĕскере кунне виçĕ хутчен апат хыççăн пĕрер апат кашăкĕ ĕçетчĕ. Сĕткене пылпа хутăштаратчĕ. Ăна холодильникра упратчĕ.

Хурăн сĕткенĕ пÿрене ĕçлеме пулăшать, организмри япала ылмашăвне йĕркене кĕртет, шăк йÿçекне кăларма пулăшать.

Ирина ЕФИМОВА.

Патăрьел районĕ.

75 çултан каçсан тăтăшах çуран утсан тата темиçе теçетке те пурăнма пулать.

Кунсерен çуран утма спортсмен пулни кирлĕ мар. Ку таранччен спортпа пачах çыхăнман çын та уçă сывлăшра хăйне хальлĕн уçăлса çÿреме пултарать. Паллах, урасене аран-аран сĕтĕрсе утмалла тенине пĕлтермест ку. Хăвăртлăх тени кăшт та пулин пулмаллах. Çÿрекен çула тăтăшах улăштарни, çĕнĕ çынсемпе тĕл пулни, уçă сывлăш ĕмĕре тăсать. Утни мĕнле чирсенчен хăпма пулăшать-ха?

Пахча çимĕçпе улма-çырла чи сиплĕ апат-çимĕç шутланаççĕ. Пахча çимĕç шывак апат. Унта типĕ, вăй паракан япаласем пурĕ те 5-20 процент анчах пухăнаççĕ. Анчах та вĕсен шутĕнче этем организмне питĕ кирлĕ, ытти апат-çимĕçре çук япаласем пур. Çавăнпа та ăсчахсем çынна кашни кун 400-500 г пахча çимĕç çиме сĕнеççĕ.

Pages

Subscribe to Асра тытма