Archive - 3 Пуш, 2017 - Хыпар
Мăнкун çăмарти
Укçашăн чунне сутман
Вунпилĕк çул каяллах пулса иртнĕ ку истори. Кÿршĕ Мускавра пурăнать. Строителе вĕренмен пулин те хваттер, коттедж юсама ăста. Хальхинче Мускавран «Жигулипе» таврăнчĕ. Вăхăт мĕнле васкаса шăвать, самани мĕн тери хăвăрт улшăнать. Халĕ унашкал машинăна ял хушшинче те сайра куратăн. Йĕри-тавра ют çĕршывра туса кăларнисем чупаççĕ.
Шурă туфлиллĕ çамрăк репортер, e Экзамен шайĕнчи пĕрремĕш командировка
Камшăн мĕнле пулĕ те — манăн шухăшпа, журналист профессийĕ пек кăсăкли тĕнчере урăх çук. Мĕнле кăна лару-тăрăва лексе мĕн кăна курмасть, кампа кăна паллашмасть журналист. Професси витĕмĕпе пурнăçа çапла ытларах та ытларах ăнланса, чунпа пуянланса, ăспа çивĕчленсе пырать. Хаçат-журнал производствинче тăрăшать-и, телекурав тытăмĕнче вăй хурать-и, радиокăларăмсем ертсе пырать-и вăл — кашни хутлăхрах ĕçĕ интереслĕ. Нихăçан манăçми самантсем вара кашни журналистăн асĕнчех — темĕн чухлĕ. Çак йĕркесен авторĕн те вĕсем самай хулăн кун кĕнекилĕхех пухăнчĕç.
Юрий Федотов халалĕпе - пысăк çитĕнÿ патне
Яваплă тĕллев - «иккĕмĕш çăкăр» тухăçне ÿстересси
Ĕнер Шупашкарти «ЭКСПО-КОНТУР» суту-илÿпе курав комплексĕнче Регионсен хушшинчи IX «Çĕрулми-2017» отрасль выставки уçăлчĕ. ФОТОРЕПОРТАЖ
Унта республикăра тата тулашра иккĕмĕш çăкăр тата унăн вăрлăхне туса илекенсем, ăна тĕпчесе çитĕнтерме, пухса кĕртме, упрама сĕнÿсем хатĕрлекен институтсен, çĕрулми лартмалли, пăхса ÿстермелли, хиртен кĕртмелли техника, минерал удобренийĕсемпе хими имçамĕ янтăлакан компанисен представителĕсем хутшăнчĕç. Иртнĕ çулсенче йĕркеленĕ куравсемпе танлаштарсан хальхинче хăйсен продукцине ытларах Чăваш Енрен пуçтарăннисем мар, Раççейĕн тĕрлĕ регионĕнчен килнисем кăтартрĕç. Çĕрулми туса илмелли машинăсемпе суту-илÿ тата курав комплексĕ умĕнчи лапамра паллашрĕç. Хуçалăхсен ертÿçисем вĕсене туянас ыйтăва трактор-машинăпа тивĕçтерекен дилерсемпе сÿтсе яврĕç.
Ĕçе çĕнĕлĕх кĕртни пĕлтерĕшлĕ
Çĕрпÿ районĕнчи Йĕкĕрварсемшĕн çурхи пĕрремĕш кун хĕвеллĕ çанталăкпа кăна мар, вĕсем патĕнче Чăваш Республикин Пуçлăхĕ Михаил Игнатьев ĕçлĕ çÿревпе пулнипе те асра юлĕ.
Хурсем Рима çăлнă...
Вăрăм ĕмĕр вăрттăнлăхĕ мĕнре?
ЧР Сывлăх сыхлавĕн министерстви çĕнĕ проект — «Сывлăхăн общество университечĕ» — пурнăçа кĕртет.
Вĕренÿ курсне Раççейĕн тĕп акушер-гинекологĕ Лейла Адамян ирттерекен лекцисем евĕрлĕ йĕркелеме палăртнă. Унăн мероприятийĕсене кăмăл тăвакансенчен кашниех çÿреме пултарать. Тÿлевсĕр лекцисем çулталăк тăршшĕпех кашни уйăхра пĕрре шăматкунсерен иртеççĕ.
Вăл тĕнче шайĕпе килĕшсе тăрĕ
Саланчăкри хор саланман
Иртнĕ ĕмĕрĕн 70-90-мĕш çулĕсенче, колхозсемпе совхозсем кĕрлесе тăнă вăхăтра, кашни пысăк ялти культура çуртĕнче тенĕ пекех хор пулнă. Вĕсене колхозниксемпе рабочисем, дояркăсемпе учительсем, çамрăксем хаваспах çÿренĕ. Самана улшăннă май вĕсенчен чылайăшĕ саланнă. Хорта юрлани паянхи çамрăкшăн пĕрре те интереслĕ мар. Фольклор ушкăнĕ те уншăн кăсăклăх çуратмасть. Çавăнпа вĕсене паян аслăраххисем кăна çÿреççĕ.