Archive - 14 Пуш, 2017 - Хыпар

14 Пуш, 2017

«Хыпар» 35 (27150) №, 14.03.2017

14 Пуш, 2017

Тирпейлекен предприяти ытларах кирлĕ

Унсăрăн çĕрулмине вырнаçтарассипе çыхăннă ыйту татăлмасть

Çак уйăх пуçламăшĕнче Шупашкарта Регионсен хушшинчи IX «Çĕрулми — 2017» курав иртни çинчен «Хыпар» пĕлтернĕччĕ. «Иккĕмĕш çăкăр» туса илекенсене вăл çĕнĕ тĕллевсем палăртма хистерĕ, культурăна çитĕнтернĕ чухне усă куракан технологири çĕнĕлĕхсене пĕлме пулăшрĕ. Форум хыçала юлчĕ. Кăçал мĕнле ыйтусене татса памалла-ха?

14 Пуш, 2017

Укçа пур, ыйту пулмалла мар

Çуркунне çитни ытларах та ытларах сисĕнет. Хĕвел ăшăрах пăхать, кун тăршшĕ вăрăмраххăн туйăнать. Юр ирĕлет, унпа пĕрлех асфальт та ирĕлет тейĕн: çул çинчи шăтăк-путăк сарăлать, тарăнланать. «Водительсене, çынсене питĕ тарăхтараççĕ вĕсем», — терĕ республика Пуçлăхĕ Михаил Игнатьев ĕнерхи канашлăва уçнă май.

Çулсене юсама пуçланă

14 Пуш, 2017

Волонтерсем каяççĕ Сочие

Çамрăксемпе студентсен пĕтĕм тĕнчери фестивалĕ пуçланиччен вăхăт нумаях та юлмарĕ. Çичĕ уйăхран Сочи хулине 150 çĕршывран 20 пин çамрăк, 5 пин волонтер пухăнĕ. Халĕ шăпах фестиваль валли волонтерсем хатĕрлеççĕ.

14 Пуш, 2017

Каяш турттаракансем хака сăлтавсăр ÿстереççĕ

Нумай хваттерлĕ çуртсенче пурăнакансем юлашки вăхăтра редакцие тăтăшах шăнкăравласа коммуналлă хытă каяш КХК турттарнăшăн хуракан тÿлев виçипе кăсăкланаççĕ.

2015 çулхи кăрлачăн 1-мĕшĕнче производство каяшĕсем çинчен калакан саккуна улшăнусем кĕртнĕ. Унта шăпах коммуналлă хытă каяш /КХК/ ăнлав пур. Вăл хваттер хуçисем пурăнакан вырăнтан кăларакан, юридици сăпачĕсем тата уйрăм предпринимательсем полигона турттаракан тĕрлĕ ăпăр-тапăра пĕлтерет.

14 Пуш, 2017

«Рольсĕр юлни – чи пысăк асап»

Чăваш Енре тĕлĕнмелле артист пурăнатчĕ. Ефим Никитин.

Иккĕленместĕп: çав вăхăтра ăна палламан-пĕлмен çын та юлман пуль.

Ăçта ан çит — яла-и, хулана-и, фермăна е шкула — алă çупса, савăнса кĕтсе илнĕ ăна: «Кĕлпук мучи çитрĕ!» Пĕтĕм ял-хула чĕрĕлсе тăнă çавăн чухне.

«Коммунизм ялавĕ», каярахпа — «Хыпар» хаçат редакцийĕсенче час-часах пулатчĕ. Хăмăр пысăк портфелĕнчен хут листисем туртса кăларатчĕ те юмахĕсене вулама пуçлатчĕ е тем тĕрлĕ халап çаптарса кăтартатчĕ, е тата выльăх-чĕрлĕх, кайăк-кĕшĕк сассипе пуплеме пуçласан ĕç çинчен мансах унăн пултарулăх авăрне çакланаттăн.Малалла вулас...

Редакци архивĕнчи сăнÿкерчĕк

14 Пуш, 2017

Кинозалсем уçаççĕ, çĕнĕ клубсем хăпартаççĕ

Экономикăри лару-тăру çăмăл мар пулсан та культура тытăмне укçа самай хывăнать

ЧР Культура министерствин коллегийĕн анлă ларăвĕнче, вăл нарăс уйăхĕн 28-мĕшĕнче Чăваш патшалăх филармонийĕнче иртнĕ, отрасль учрежденийĕсен иртнĕ çулхи ĕç-хĕлне пĕтĕмлетнĕ, 2017 çулхи тĕллевсене палăртнă.

14 Пуш, 2017

Тĕрĕсĕр чăваш çунатсăр кайăк пекех

Пирĕншĕн, чăвашсемшĕн, тĕрĕ тĕрлес, пир тĕртес ĕç вĕçенкайăкăн икĕ çуначĕ пекех пулнă. Çунатсăр кайăк вĕçеймест, асăннă промысласемсĕр халăх искусстви те çук. Паллах, çав вăхăтрах ытти ремесла та аталанса пынă-ха, çапах çак «икĕ çунат» пур енĕпе те палăрса тăнă. Авалхи тĕрĕ ăстисем хăйсен тĕррисенче юрăсем хывнă, пурнăçа мухтанă.

14 Пуш, 2017

Тĕллевĕсене пурнăçлаççĕ

Шăмăршă, Патăрьел, Комсомольски, Елчĕк районĕсенче пурăнакансем «Шăмăршă вăрманлăхĕ» бюджет учрежденийĕ пăхса тăракан вăрманта çурт-йĕр тумашкăн йывăç касма пултараççĕ-и?

14 Пуш, 2017

Лаша вырăнне — МОТОБЛОК

Елчĕк районĕнчи Энтепере ĕлĕкхи йăла-йĕркене упраççĕ, çав вăхăтрах çĕннине те ăса хываççĕ. Вулавăшпа культура вучахĕн ĕçченĕсем пĕр-пĕринпе килĕштерсе ĕçлеççĕ, ял çыннисене хăйсен тавра пуçтараççĕ.