«Мана çамрăксемпе хутшăнмашкăн яланах килĕшет. Волонтерсемпе — пушшех те, мĕншĕн тесен вĕсем ырăлăх парнелеççĕ, ыттисене пулăшаççĕ. Вăхăт иртнĕçемĕн сирĕн рете татах çĕнĕ çынсем хушăнасса, сирĕн юхăм вара пысăклансах, вăйлансах пырасса шанатăп», — терĕ паян Чăваш Ен Пуçлăхĕ Олег Николаев Шупашкар хулин Волонтерсен центрĕн хастарĕсемпе тĕл пулнă май.
Паян ЧР Пуçлăхĕн тивĕçĕсене вăхăтлăх пурнăçлакан Олег Николаев республикăри волонтерсен организацийĕсен представителĕсемпе видеоçыхăну мелĕпе калаçрĕ.
Чăваш Енре коронавирус пандемийĕ вăхăтĕнче пĕччен пурăнакан ватăсене пулăшакан волонтерсен шучĕ ÿссех пырать. Акă аграри университетĕнче вĕренекен студентсем ЧР Апат-çимĕç фондĕнче апат-çимĕç пуххисене хатĕрлеççĕ. Вĕсем мĕнле ĕçленипе паян Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев паллашрĕ.
Автомобиль компанийӗсен ушкӑнӗ #МыВместе ("Эпир пӗрле") Пӗтӗм Раҫҫей акцине хутшӑнакан волонтерсене 2 ҫӑмӑл автомобильпе тивӗҫтернӗ - ҫапла майпа коронавируспа кӗрешме пулӑшу кӳнӗ.
Ку вӑхӑтра, пӗтӗм Раҫҫейри пекех, коронавирус сарӑласран пурнӑҫламалли условисемпе килӗшӳллӗн ватӑсене пулӑшма регионти "Эпир пӗрле" (#МЫВМЕСТЕ) штаб ӗҫлет.
Ҫак кунсенче волонтерсенчен 600 ытла ҫын пулӑшу ыйтнӑ. Ытларахӑшне аптекӑран эмел, лавккаран ҫимеллисем кирлӗ пулнӑ.
Пулӑшу ыйтас тесен ҫак номерпе шӑнкӑравламалла: 8-800-200-34-11
Чăвашла верси
Русская версия
