Archive - 2015 - Хыпар

Халăха ĕçпе тивĕçтерекен центрсен мобильлĕ офисĕсем районсенчи инçетри ялсенче пурăнакансем патне асăннă служба çăмăллăхĕсемпе килĕсене пырсах тивĕçтереççĕ.

Михаил Игнатьев иртнĕ кĕçнерникун Шăмăршăпа Патăрьел районĕсенчи, Канаш хулинчи вăрçă тата тыл ветеранĕсен пĕр ушкăнне «1941-1945 çулсенчи Тăван çĕршывăн Аслă вăрçинчи Çĕнтерÿ 70 çул тултарни» юбилей медалĕпе наградăларĕ.

Кăрлачăн 27-мĕшĕнче «Хыпар» хаçатра пичетленнĕ пĕр статья хăйĕн ячĕпе те, хавхипе те репресси çулĕсенчи тÿнтер социологсен ĕçĕсене аса илтерет. Танлаштарса пăхар-ха, «Тăвăлпа суккăрланнă поэтсем, е авалхипе çуначĕсене амантакансем» /Иван Кузнецов, 1931/ – «Атнер П.Х., «Пусси Райт» тата ытти ĕмĕрех кăмăлсăррисем» /Валери Туркай, 2015/.

Март уйăхĕн 17-мĕшĕнче Республикăри клиника больницин диагностика центрĕнче ЧР Сывлăх сыхлавĕпе социаллă аталану министерствин коллегийĕн анлă ларăвĕнче тытăмăн 2014 çулхи ĕçне пĕтĕмлетрĕç. Асăннă мероприятие ЧР Министрсен Кабинечĕн Председателĕ Иван Моторин хутшăнчĕ.

"Чăваш çĕршывĕнче хĕрарăм юрăçсем, паллах, сахал мар пулĕ. Анчах та мана Клара Чекушкина хăй халăхĕн юррисене юрлани питĕ килĕшет", - çырнă хăй вăхăтĕнче Мари АССР халăх поэчĕ Семен Вишневский. Семен Алексеевич пĕр вăхăт Мари писателĕсен союзĕн правленийĕн председателĕнче ĕçленĕ. Вăл - нумай кĕнеке авторĕ.

Ахальтен каламаççĕ, паллах, «Çын çуралать кăна-ха - тÿпере унăн малалли пурнăçне çырса та хунă», - тесе.

35 çул каялла, 1980 çулхи мартăн 18-мĕшĕнче, Мускав вăхăчĕпе 19 сехет те 1 минутра, Архангельск тăрăхĕ темиçе взрыв сассипе хупланнă.

Май уйăхĕн 9-мĕшĕнче совет халăхĕ Тăван çĕршывăн Аслă вăрçинче çĕнтернĕренпе 70 çул çитет. Анчах юлашки вăхăтра телеэкрансене тухакан юнлă, каварлă ÿкерчĕксене курсан уяв умĕнхи хавхалануллă кăмăл-туйăм та пусăрăнать.

Хăй виличчен Иван Матросов журналист вăрçă темипе пысăках мар «Çĕнтерÿпе кĕт, аннеçĕм» ятлă кĕнеке пичетлесе кăларнăччĕ.

"Хыпар" хаçатăн февралĕн 27-мĕшĕнче тухнă кăларăмĕнче "Истори пĕлтерĕшлĕ çуртсене сыхласа хăварасчĕ" ятпа тухнă статьяна кăсăкланса вуларăм. Авторĕ Р.Тарасова район историйĕшĕн пĕлтерĕшлĕ объектсене сыхласа хăварасси çинчен чунне ыраттарса ахальтен çырманнине туйрăм.