Archive - 2015 - Хыпар

Виçĕмкун «ЮТэйр» авиакомпанин 21 сехет те 10 минутра Мускаври «Внуково» аэропортран тÿпене çĕкленнĕ ATR 72 сывлăш карапĕ 23 сехетре Шупашкарти аэропорта анса ларнă. Вăл унта çĕр каçрĕ те 7 сехет çурăра каялла çула тухрĕ: «Мускав – Шупашкар» çĕнĕ авиарейс уçăлчĕ. Самолета 70 çын вырнаçать.

Челябинскра пурăнакан ентешĕмĕр Сергей Васильев /Канаш районĕнчи Авăспÿрт Кипечре çуралса ÿснĕ/ çинчен хаçатра çырман мар-ха. Фотокорреспондентăн ĕçĕсем çĕршыври, тĕнчери чылай патшалăхри 200 ытла кăларăмра пичетленнĕ, Европăри, Азири, Америкăри тата Австралири куравсене хутшăннă. Ятарлă выставкисем Мускавра, Парижра, Берлинта, Гамбургра, Амстердамра, Мадридра, Барселонăра, Хельсинкире, Женевăра, ытти пысăк хулара иртнĕ.

Паян конькипе ярăнма юратакансемпе хоккейпа туслисемшĕн, спортсменсемпе ачасемшĕн пысăк уяв - Чăваш Ен тĕп хулинче «Шупашкар-Арена» Пăр керменĕ уçăлать.

Юлашки шăнкăрав янăрасанах кăçал шкулпа сывпуллашакансемшĕн хĕрÿ тапхăр пуçланчĕ. Пĕрлехи патшалăх экзаменĕсене мĕнле тытни вăтам пĕлÿ илекен çамрăксен малашнехи шăпине витĕм кÿрет.

Чăваш Ен ертÿлĕхĕ çамрăксен политикине аталантарса пырассипе тимлĕ ĕçлет. Çакна республикăра çамрăксен общество организацийĕсемпе, студентсен ушкăнĕсемпе час-часах иртекен тĕлпулусем те çирĕплетеççĕ.

Православи тĕнне ĕненекенсем май уйăхĕн 31-мĕшĕнче Троица уявне паллă турĕç. Вăл кашни çулах Мăнкун хыççăн тепĕр 50 кунран килет, çавна май ăна "Аллăмĕш кунхи праçник" /Пятидесятница/ текенсем те пур. Библире Çветтуй Сывлăшĕн пилĕ апостолсем çине шăпах çак кун аннă тесе палăртнă.

Раççейри çире пур хĕрарăмсенчен кашни виççĕмĕшĕ хырăм пăрахни обществăна чăннипех хумхантарать. Аборт тăвакансен йышĕ юлашки çулсенче чакать пулсан та пирĕн çĕршыв ку енĕпе тĕнчере чăннипех "палăрса" тăрать.

 Июнь уйăхĕн 20-мĕшĕнче Шупашкарта çăмăл атлетика командисем Европа чемпионачĕн стартне тухаççĕ. Вăхăт нумаях та юлмарĕ - икĕ эрне ытларах кăна.

Чăваш кĕнеке издательстви «Чăваш халăх пултарулăхĕ» ярăмпа 13 том пичетлеме палăртакан кăларăмăн пĕрремĕш кĕнекине кун çути кăтартрĕ. «Тупмалли юмахсене» Чăваш патшалăх гуманитари ăслăлăхĕсен институчĕн ĕçченĕсем хатĕрленĕ.