Archive - Çĕртме 2015 - Хыпар

Чăваш патшалăх оперăпа балет театрĕнче июнĕн 10-мĕшĕнче социаллă тытăм ĕçченĕсем хăйсен професси уявне паллă тунă. Савăнăçлă мероприятие Чăваш Ен Пуçлăхĕн тивĕçĕсене вăхăтлăха пурнăçлакан Михаил Игнатьев, ЧР Сывлăх сыхлавĕпе социаллă аталану министерствин тата унăн учрежденийĕсен, ĕçлев, пенси службисен, социаллă страхованин территори органĕн тата ытти учрежденисен представителĕсем хутшăннă.

Спикер "паян Моляков депутат пулмассине" пĕлтерсен залра ларакан журналистсем тÿрех "апла-тăк паянхи сесси лăпкă иртет" тесе кулкаласа илчĕç-ха, анчах пĕри пулмасан тепри тупăнать - ЧР Патшалăх Канашĕн кĕçнерникунхи черетлĕ вăтăр пĕрремĕш сессийĕ самай шавлă иртрĕ. Тепĕр тесен вăл хăйне кăтартма юратакан çав депутата пула мар, пысăк пĕлтерĕшлĕ ыйтусене татса панипе асра юлĕ. Йĕркипе каласа парар.

Эпĕ ял çынни, пенсионер. 80 çул çитесси инçе юлмарĕ пулин те килти анкартинче тем тĕрлĕ культура та çитĕнтеретĕп. Маларахри çулсенче кĕрпе йышши культурăсем - вир, пăри, кушак хÿри, пăрçа çитĕнтереттĕм. Çавăн пекех фасоль, соя, ясмăк та акса тăваттăмччĕ. Асăннă культурăсем пурте апат-çимĕçре тутлăхлă шутланаççĕ. Сăмахран, çуллă пăри пăттине е пĕçернĕ фасоле пĕрре ирхине çисен кун каçиччен те хырăм выçмасть.

 Электрочейнике вăйлă лĕкĕ /накипь/ ларать. Ăна мĕнле тасатмалла-ши?

Петр КОЗЛОВ.

Комсомольски районĕ.

Чейник электричествăпа ĕçлет е эмальленĕскер, е тутăхман металран тунăскер - пурпĕрех шыв вĕретнĕ чухне лĕкĕ çыпçăнать. Лĕкĕ вăйлă çыпçăнса тулсан электрочайник хăвăртрах юрăхсăра тухма пултарать.

Мĕншĕн вĕретнĕ чухне шыв лĕкĕленет-ха?

Шывра тĕрлĕ тăвар хутăшĕсем пур. Вĕсем нумай пулсан шыв вĕренĕ чухне вăйлăрах лĕкĕленет. Шыва фильтрлама пулать-ха. Анчах фильтрланă шыв та лĕкĕленетех.

Республика Пуçлăхĕн суйлавĕ çывхарса пынă май йĕплĕ чĕлхесем «Кремль Михаил Игнатьева суйлава хутшăнма шанĕ-и-ха?» тесе хăçантанпа çăвар карчĕç - халĕ тинех шăпланаççĕ-тĕр. Ытларикун чылайранпа нумайăшне калаçтарнă çак ыйту туллин татăлчĕ тени те вырăнлă.

Паянхи çул çитмен çамрăксем - çĕршывăн ыранхи кадр потенциалĕ. Тапса тăракан вăй-хала "тĕрĕс çулпа" чуптармашкăн вĕсене çитĕннĕ çыннăн чăн-чăн туртăмне - тÿлевлĕ ĕç - тупмашкăн пулăшмалла.

Кĕтнĕ пекех, республика Пуçлăхĕн тивĕçĕсене вăхăтлăха пурнăçлакан Михаил Игнатьев Министрсен Кабинечĕн ĕнерхи ларăвне Раççей Президенчĕн тÿрремĕнех хăйне пырса тивекен указĕ пирки каланинчен пуçларĕ.

 Шел те, чылайăшĕ онкопатологие сыватма май килмест тесе шухăшлать. Тĕрĕссипе, рак - диагноз кăна, татăклă йышăну мар. Амака аталанма тытăннă тапхăртах тупса палăртсан хальхи медицинăн ăна парăнтармашкăн хăват çитет. Усал шыçăран чылайăшне сирме те пулать.

Указ Главы Чувашской Республики от 8 июня 2015 года № 79 «О требованиях к размещению и наполнению подразделов, посвященных вопросам противодействия коррупции, на Портале органов власти Чувашской Республики и официальных сайтах органов исполнительной власти Чувашской Республики в информационно-телекоммуни