Archive - 2 Çĕртме, 2015 - Хыпар

Православи тĕнне ĕненекенсем май уйăхĕн 31-мĕшĕнче Троица уявне паллă турĕç. Вăл кашни çулах Мăнкун хыççăн тепĕр 50 кунран килет, çавна май ăна "Аллăмĕш кунхи праçник" /Пятидесятница/ текенсем те пур. Библире Çветтуй Сывлăшĕн пилĕ апостолсем çине шăпах çак кун аннă тесе палăртнă.

Раççейри çире пур хĕрарăмсенчен кашни виççĕмĕшĕ хырăм пăрахни обществăна чăннипех хумхантарать. Аборт тăвакансен йышĕ юлашки çулсенче чакать пулсан та пирĕн çĕршыв ку енĕпе тĕнчере чăннипех "палăрса" тăрать.

 Июнь уйăхĕн 20-мĕшĕнче Шупашкарта çăмăл атлетика командисем Европа чемпионачĕн стартне тухаççĕ. Вăхăт нумаях та юлмарĕ - икĕ эрне ытларах кăна.

Чăваш кĕнеке издательстви «Чăваш халăх пултарулăхĕ» ярăмпа 13 том пичетлеме палăртакан кăларăмăн пĕрремĕш кĕнекине кун çути кăтартрĕ. «Тупмалли юмахсене» Чăваш патшалăх гуманитари ăслăлăхĕсен институчĕн ĕçченĕсем хатĕрленĕ.

«Иртрĕ Çимĕк, иртрĕ туй, иртрĕ туйри савăнăç», - вулатпăр Константин Ивановăн «Нарспи» поэмăри «Çимĕк иртсен» сыпăк пуçламăшĕнче. Çапла, кирек мĕнле аслă уяв та, кирек мĕнле туй-çуй та вăхăчĕ çитсен иртетех.

Андрей Растворцев  из Чебоксар стал победителем (1 место) конкурса военного рассказа, который организовал московский сетевой журнал «Камертон». Писатель представил на конкурс рассказ «Встреча», опубликованный впервые в журнале «ЛИК».

Победитель конкурса, приуроченного к 70-летию Победы в Великой Отечественной войне, получил и солидный денежный приз.

В  конкурсе участвовали более 200 человек из разных стран мира.

Издательский дом «Хыпар» и редакция журнала «ЛИК» поздравляют Андрея Растворцева с престижной премией и желают новых успехов в творчестве.

 Ачасене хÿтĕлемелли пĕтĕм тĕнчери кун обществăн чи кĕçĕн членĕсемпе тата вĕсен ашшĕ-амăшĕпе влаçри çынсем уйрăмах тимлĕ пулма тивĕç. Чăваш Ен Пуçлăхĕ Михаил Игнатьев çак уява халалланă тĕрлĕ мероприятие çитсе курчĕ. Акă, кăнтăрлачченех тĕп хулара Атăл кÿлмекĕ хĕрринче ачасен флешмобĕ хаваслă иртрĕ.

Вăйпиттисене фронта илсен, вĕсем вырăнне хĕрарăмсемпе ачасем тăнă.

Çамрăк специалистсене республикăри потребкооперацире вăй хума çултан-çул интереслĕ тата илĕртÿллĕ: автоматсене производство линийĕсене вырнаçтараççĕ, тавара шута илес тата сутас ĕçе ку чухнехи технологисемпе пуянлатаççĕ, пушă вăхăта усăллă та тĕллевлĕ ирттерме майсем туса параççĕ.