Archive - Çĕртме 2015 - Хресчен сасси

"Кĕнеке - пĕлÿ çăлкуçĕ" тесе ахальтен каламан.

Хĕрлĕ кăшмана кашни çулах акса ÿстеретпĕр. Хальччен кĕркунне пылак, шăтăк-путăксăр таса çимĕç пуçтарса илеттĕмĕр. Иртнĕ çул вара кăшманăн сĕтеклĕ тутине те туймарăмăр, тымарçимĕç илемĕпе те илĕрт¬мерĕ.

Пĕрремĕш хут пиçĕхнĕ чух хĕвел питтинче 5-10 минут çÿрени çителĕклĕ. Малашне вăхăта вуншар минут ÿстерсе пымалла.

Хăвăрт пиçекен вырăнсем: пит, хулпуççи, кăкăр, хырăм, пĕçĕ. Хĕртĕннĕ чух утса çÿрени усăллăрах.

Хура çĕлен вăрманти уçлан¬кăна килĕштерет. Вăл шăрăх вăхăтра хĕвел питтине «хĕртĕнме» тухса выртать. Ытларах ирхине тата каçхине пиçĕхме юратать. Хĕвел хĕртсе пăхнă вăхăтра сул¬хăна кĕрсе çухалать. Хăйне тивмесен вăл çынна тапăнмасть имĕш. Енчен те ал-ураран сăхсан мĕн тумалла-ха?

Пирĕн республикăн тĕп хулинче хальччен Раççейре нихăçан та ирттермен çăмăл атлетика енĕпе Европăри командăсен чемпионачĕ пуçланиччен виçĕ кун кăна юлчĕ. Старта XXI ĕмĕрти чи мухтавлă олимпиецсемпе тĕнче чемпионĕсем те тухаççĕ.

Тупăшлă чĕрчун

Хушма хуçалăхсенче ĕне выльăх, сысна, кайăк-кĕшĕк, чăх-чĕп курма хăнăхнă ĕнтĕ. Кролик та çĕнĕлĕх мар темелле. Анчах вăрăм хăлхаллă, çăмламас чĕрчунсене йышлă усракансем сахалрах-ха. Канаш районĕнчи Катекри Андрияновсем вара вĕсем валли ферма тума тытăннă.

Ака-суха иртсе кайрĕ. Ĕçченсем сывлăш çавăрса яма ĕлкĕрчĕç кăна умра каллех хĕрÿ тапхăр - утçи. Чылай хуçалăхра нумай çул ÿсекен курăксене çулма тытăннă ĕнтĕ. Çанталăк типĕ тăнипе усă курса утă, сенаж янтăлаççĕ. Çак кунсенче çивĕч ыйтупа - выльăх апатне хатĕрлессипе - Хĕрлĕ Чутай районĕнче ЧР Ялхуçалăх министерствин коллеги ларăвĕ иртрĕ. Унта районсен хуçалăх ертÿçисем, яваплă çынсем, тивĕçтерекен тата кредит организацийĕсен представителĕсем хутшăнчĕç.

Чăвашăн апат-çимĕçĕнче йÿçĕтнĕ купăста яланах пулнă. Сĕтел çине ăна çырткалама тесе кăна лартман, вăл чылай чир-чĕр чухне сипленине те пĕлнĕ. Витаминсем çитмен тапхăрта организма тутлăхлă япаласемпе пуянлатнă.

Çулсем иртнĕ май нумайăшĕн куçĕ япăхрах курма пуçлать. Хăшĕ-пĕри çакăн çине çиелтен пăхать, çийĕнчех сипленмест. Чирĕ шала кайсан сипленме те йывăр. Катарактăран ?куç шăрçине шурă илни% мĕнле асăрханмалла?