Archive - 20 Пуш, 2015 - Хыпар

2014 çулхи март уйăхĕн 18-мĕшĕ çĕршывăмăр историйĕнче вышкайсăр пысăк пĕлтерĕшлĕ, мăнаçланмалли пулăмпа çырăнса юлчĕ.

Чăваш Ен Пуçлăхĕ Михаил Игнатьев Чăваш Республикин Общество палатин членĕсемпе тата общество организацийĕсен представителĕсемпе тĕл пулчĕ. Çак мероприяти Шупашкарти 5-мĕш гимназире иртрĕ.

Журналистсен çакăн пек пысăк йышĕпе курнăçса республика Пуçлăхĕ Михаил Игнатьев пĕлтĕрхи августра анлă пресс-конференци ирттернĕччĕ. Унтанпа массăллă информаци хатĕрĕсен представителĕсене куçа-куçăн каласа памалли капланса çитнĕ пулас - çакă иртнĕ юнкунхи тĕлпулура куçкĕрет палăрчĕ.

Патăрьел районĕнчи Турхан ял тăрăхĕн пуçлăхĕн çумĕ Иван Данилов телефонпа редакцие çапла пĕлтерчĕ: "Упамса ялĕнче иртнĕ пухăва хутшăннисем килти хуçалăхсем паракан сĕт хакĕ пĕлтĕрхи çак тапхăртинчен йÿнĕреххине палăртрĕç. Мартăн пĕрремĕш çурринче кашни литра 18 тенкĕлле сутрăмăр. Çак хак - пĕлтĕрхи декабрьтенпех. Ял тăрăхĕнче пурăнакансем Патăрьел райповĕн Сăкăт ялĕнчи филиалĕ, Г.Мишин, Н.Кушников усламçăсем, "Красное знамя" ЯХПК хальхи вăхăтра 19 тенкĕ тÿленине илтнĕ, çавăнпа хăйсене укçа сахалрах панăшăн кÿренеççĕ.

Эпир, Çĕрпÿ районĕнчи Топтул ялĕнче пурăнакансем, сире хамăр нушана çырса пĕлтерес терĕмĕр. Пĕлтĕр сĕте Канашри "Молочный двор" обществăна сутрăмăр. Анчах вăл ноябрьшĕн те халичченех укçа тÿлемест. Ирина Иваницкая сĕт пуçтаракан пирĕнпе татăлтăр тесе пĕрре çеç мар ыйтрăмăр. Укçа çук тесе парăмне пĕтермерĕ.

Темиçе кун каялла Пĕрремĕш канал эфира кăларнă «Пусть говорят» кăларăмра наркомани чирĕпе нушаланакансен ыйтăвне çĕкленĕччĕ. Хальхинче унта Шупашкар хĕрарăмĕ те хутшăнчĕ. Унăн ывăлĕ «шурă вилĕм» тыткăнне лекнĕ. Çакăн çинчен вăл чуна ыраттармалла каласа кăтартрĕ.

«Хыпар» Издательство çурчĕ кăларса тăракан хаçат-журналсен районсенчи кунĕсене ирттересси, вулакансемпе тĕл пуласси, вĕсен шухăш-кăмăлне пĕлесси, туслă, пĕр-пĕриншĕн усăллă çыхăнăва çирĕплетсех пырасси ырă йăлана кĕчĕ ĕнтĕ. Хальхинче çавнашкал кăмăллă тĕлпулу Трак тăрăхĕнче иртрĕ.

Е мĕнле вăрттăнлăх упранать Анаткасра?

- Итле-ха, эсĕ Трак тăрăхĕнчен вĕт, сирĕн районти Анаткас 1927 çулччен "Турикас" ятпа çÿренĕ. Мĕне пула çавнашкал "кардинальнăй" улшăну? Пĕр-пĕрне хирĕçлекен ятсем вĕт-ха. Интересленсе пăх-ха, журналист тĕпчевĕ те ирттерме пулать,- сĕнчĕ çак кунсенче пĕр тĕпчевçĕ. Чăн та, хама та çав тери кăсăк пулса кайрĕ. "Журналист тесе çăкăр çиетĕп-тĕк - çула тухмаллах", - тĕвтурăм эпĕ.

Авалхи пĕр кĕнекере "инородцы" сăмах тĕл пулчĕ. Раççейри мĕнле халăхсем çак йыша кĕнĕ?

А.ПЕТРОВ.

Элĕк районĕ.

"Инородец" - ют, урăх тĕрлĕ, урăх йышши - терминпа XIX ĕмĕрти тата XX ĕмĕр пуçламăшĕнчи официаллă документсенче Инçет Хĕвелтухăçĕнчи, Çĕпĕрти, Вăтам Азири, Казахстанри, Кавказри, Çурçĕр Раççейри, Вăтам тата Анат Атăлçи тăрăхĕнчи тĕрĕк, монгол тата финн-угор халăхĕсене /ытларах чухне куçса çÿрекен/ тата еврейсене палăртма усă курнă.

"Звезда" телеканал ирттерекен "Çĕнĕ Çăлтăр" конкурсра Чăваш Ен чысне хÿтĕлекен хĕр çинчен пĕлес килет. Мĕнле лекнĕ унта вăл?

А.АНДРЕЕВА.

Куславкка районĕ.

"Звезда" телеканал Пĕтĕм Раççейри "Çĕнĕ Çăлтăр" вокал конкурсне ирттерет. Унта Раççейри 85 регион представителĕ хутшăнать. Халиччен кун йышши музыка тупăшăвĕ пулман.