Archive - 18 Пуш, 2015 - Хыпар

Çынсене мĕн пăшăрхантарать? 3 стр.

Ашшĕне кура - ывăлĕсем. 4 стр.

Искусствăпа туслăх элчи. 8 стр.

Чăваш Енре наркоманипе чирлесси федерацин Атăлçи округĕнчи, Раççейри вăтам кăтартусенчен пĕчĕкрех. Эппин, ку енĕпе пăшăрханмалли те çук пек. Аплах мар çав. Наркотиксемпе иртĕхекенсен йышĕн çурри - 16-20 çулсенчи çамрăксем. Çийĕнчен, ытти регионпа танлаштарсан, Чăваш Енре çамрăксем наркотикпе çыхăннă преступленисем тăвасси ÿссе пынин туртăмĕ палăрать. Апла-тăк...

«Муркаш тăрăхĕн хăвачĕ пысăк. Район çыннисен характерĕ çапларах - яланах пĕрремĕш пулма ăнтăлаççĕ. Районăн малта пулмашкăн хăйĕн шалти ресурссем пур тесе шухăшлатăп», - терĕ ЧР Пуçлăхĕ Михаил Игнатьев мартăн 16-мĕшĕнче Муркаш районĕн депутатсен пухăвĕн депутачĕсемпе, ял тăрăхĕсен пуçлăхĕсемпе, вырăнти предприятисен ертÿçисемпе ирттернĕ канашлура. Унта 2015 çулта Муркаш районĕн экономика аталанăвне тата социаллă тăнăçлăхне тивĕçтерес ыйтусене сÿтсе яврĕç.

Мартăн 16-мĕшĕнче Чăваш Республикин Пуçлăхĕ Михаил Игнатьев Элĕк районне çитсе килчĕ. Вăл район пухăвĕн депутачĕсемпе, ял тăрăхĕсен депутачĕсемпе тата пуçлăхĕсемпе ирттернĕ тĕлпулăва çавăн пекех вице-премьер - финанс министрĕ Светлана Енилина, пурлăх тата çĕр хутшăнăвĕсен министрĕ Анатолий Кузьмин, ЧР Патшалăх Канашĕн депутачĕсем Николай Ванеркин, Владимир Мидуков хутшăнчĕç.

Малтанах Чăваш Ен Пуçлăхĕ Тăван çĕршывăн Аслă вăрçин ветеранĕсене тата тыл ĕçченĕсене «Тăван çĕршывăн Аслă вăрçинче çĕнтернĕренпе - 70 çул» юбилей медалĕсем пачĕ.

Канаш районĕнчи чĕрчун чирĕсемпе кĕрешекен станцире 59 çын ĕçлет. Кашни хăй пĕр тĕнче тенĕрен кунти специалистсем тĕрлĕ шухăш-кăмăллă, характерлă, пурнăç çине хăйевĕр пăхаççĕ. Çав вăхăтрах вĕсене пĕр ĕмĕт-тĕллев пĕрлештерет: районта чирлĕ выльăх ан пултăр, ветстанци ÿсĕмлĕ аталантăр.

Халĕ ялхуçалăхри пĕтĕм ĕçе техника вăйĕпе тăваççĕ. Çавăнпа механизатор яланах кирлĕ, ăна ял-йыш чунтан хисеплет. Шупашкар районĕнчи 35 киллĕ Пикшик ялĕнче çуралнă Анатолий Козин çинчен те ырă сăмахсем çеç каламалла.

Шупашкарăн Кăнтăр поселокĕнчи пасарта ăнсăртран тĕл пултăм эпĕ ăна. Манăн ентешех вăл: эпĕ вара ун çинчен нимĕн те пĕлместĕп.

Умĕнче - хуçалăхра куллен кирлĕ инструментсем, электроэнергие пĕчĕклетекен трансформаторсем... Вĕсемпе кăштах суту тăвать иккен.

Чăваш халăхĕн тĕп хаçачĕ тăван республика хыпарĕсене туллин çутатать, çавăнпа кашни номернех малтан пуçласа вĕçне çитиех юратса вулатăп. "Хыпара" 50 çул ытла çырăнатăп.

Пурнăçăм ялта çурт-йĕр туса, юсаса-çĕнетсе, çĕр ĕçĕнче тата выльăх усраса иртет. Уншăн савăнатăп çеç: уçă сывлăш, таса шыв, чуна илемĕпе тыткăнлакан тавралăх... Хăшĕ-пĕри пек хулара пурăнманшăн пăшăрханмастăп.

Вăл пурнăçа юратать. Çапла калани вара кашни йывăç-курăка, çутă куна, ху тăвакан ĕçе, çемйÿне, тăван килпе ху пурăнакан вырăна юратнине пĕлтерет. Сăмахăм - Етĕрне хулинче пурăнакан Эльвира Эриковна Кириллова пирки.

Çут тĕнчене çĕнĕ кайăк килни - иксĕлми телей, вышкайсăр савăнăç. Ачасем - пирĕн пуласлăх, шанăç, тĕрев тесе ахальтен каламастпăр вĕт. Çĕр çинчи пĕтĕм ырăлăха, ĕмĕт-тĕллеве вĕсемпе çыхăнтаратпăр. Çамрăк ăрăва сывă та таса, халăхăмăра юрăхлă çитĕнтерессишĕн пултарнă таран тăрăшатпăр.