Archive - 3 Нарăс, 2015 - Хыпар

Федерацин миграци службин Чăваш Республикинчи управленийĕнче йĕркеленĕ пресс-конференцире унăн пуçлăхĕ Виталий Черничкин 2014 çул пĕтĕмлетĕвĕсемпе паллаштарчĕ, çавăн пекех миграципе çыхăннă саккунсенчи çĕнĕлĕхсем çинчен каласа кăтартрĕ.

Çĕнĕлĕхсемпе улшăнусем

Халăхра "Вĕсем пĕр-пĕрне куçран пăхса çур сăмахранах ăнланаççĕ" текен мăшăрсене курсан яланах савăнатăн. "Ытларахчĕ çакнашкал кил-йыш. Пурнăç ăшăрах, илемлĕрех пулĕччĕ. Тĕслĕх илччĕр вĕсенчен ыттисем, ырăланччăр", - тетĕн чĕререн.

Петр Архиповăн килте пуçтарнă тракторне завод туса кăларнинчен уйăраймăн

Пĕлтĕр кĕркунне Шупашкарти Трактор историйĕн музейĕ çывăхĕнчи тÿремре хăйсем тĕллĕн трактор пуçтаракан «Кулибинсен» 4-мĕш курав-конкурсĕ иртрĕ. Канаш районĕнчи Ухманта çуралса ÿснĕ Петр Архипов пурне те хыçа хăварса «Трактор завочĕсем» концернăн генеральнăй директорĕн аллинчен Гран-при тата хаклă парне илнĕ. Хăй вара инженер та мар, тăхăр класс хыççăн тек ниçта та вĕренмен.

Пур çын та - хăтлă кил-çуртшăн. Хуларисем хваттерĕсене çултан-çул çĕнетеççĕ, капăрлатаççĕ. Ялтисем пурăнмалли кĕтес çутă та ăшă, илемлĕ пултăр тесе тăрăшаççĕ. Выльăх витине те никам та ячĕшĕн тумасть. Ăшă тыттăр, типĕ пултăр, маччаран ан тумлатăр тет. Чылайăшĕ тĕллеве хăех пурнăçлать. Шел те, ĕç тĕлне пурин алли те пымасть çав, çавăнпа чухлакана чĕнет.

Çу кунĕсенче ял çынни пачах лăш курмасть. «Киле çĕр каçма çеç кĕретĕп», - тет вăл шÿтлесе. Тарпа çитĕнтернĕ çимĕç çемйине тăрантарма çеç мар, сутса пурнăçа сыпăнтармалăх та çитет.

Çанталăк сивĕтсен тин ирĕкленет вăл. Чылайăшĕ, ытларах çамрăксем, хĕл кунĕсенче ĕçсĕр аптраса хăшкăлаççĕ. «Нимĕн тума та пĕлмесен кĕрĕк арки те пулин йăвала», - тенĕ ваттисем. Çак сăмахсене вĕсем ĕç пирки шухăшлама сĕнсе каланă.

Тани Юн /Татьяна Степановна Максимова-Кошкинская, хĕр чухне - Бурашникова/ - чăвашсен пĕрремĕш киноактриси

Лайăх астăватăп: темиçе çул каялла Тăвай район администрацийĕн çуртĕнче ЧР ертÿлĕхĕпе ĕçлĕ тĕлпулу иртрĕ. Ку муниципалитет финанс-экономика кăтартăвĕсемпе районсен хушшинче юлашки вырăнсенчен пĕрне йышăннăран калаçу çивĕч пулчĕ. Администрацин ун чухнехи çĕнĕ пуçлăхĕ Юрий Васильев /халĕ - ЧР Пуçлăхĕн Администрацийĕн Ертÿçи/ малашне ăнăçлăрах ĕçлессе, малти 10 район хушшине лекессе шантарчĕ. Сăмахне тытрĕ - Тăвайсем тепĕр çулах чылай енĕпе çитĕнÿ турĕç.

Шанăçпа канăç çухатнă çын яланах лăпкăлăх шырать, асамлăх кĕтет. Ырă малашлăха ĕненни, чăнах, алă усăнсан та вăй парать. Етĕрне районĕнчи Пушкăртра пулса курнă хыççăн çакнашкал пĕтĕмлетÿ турăм: çут тĕнчене телей курмах çуралать этем.

Иерусалим Турă Амăшĕн сăваплă çăлкуçĕ патне ача çуратайман хĕрарăмсем шыва кĕме килни çинчен пĕлĕшсенчен илтнĕччĕ. Алексей атте мĕн шухăшлать-ши çакăн пирки? «Сываласса ĕненмелле, Турăран тархасласа пулăшу ыйтмалла», - вĕрентсе калать тĕн çынни.

/Тихон Шевкунов архимандритăн «Несвятые святые» кĕнекери Иоанн Крестьянкин çинчен çырнă "Отец Иоанн" сыпăкран/

Çуралайман ача дневникĕ

Октябрĕн 5-мĕшĕ. Паян манăн пурнăç пуçланчĕ. Аттепе анне кун пирки пĕлмеççĕ-ха. Эпĕ - хĕрача, сарă çÿçлĕскер, кăвак куçлăскер. Эпĕ мĕнлерех пуласси, хăш чечексене юратасси халех паллă...

Октябрĕн 19-мĕшĕ. Нумайăшĕ мана ача тесе те шутламасть. Апла пулин те эпĕ - чăн-чăн Этем. Çăкăрăн пĕчĕк тĕпренчĕкĕ те çăкăрах вĕт. Манăн анне пур, эпĕ те - пур.