Archive - 27 Нарăс, 2015 - Хыпар

В начале года делегация ЧНК побывала на Родине Константина Иванова - в деревне Слакбаши. Весной, 22-23 мая, на поляне Сильби состоится фестиваль народного творчества, посвященный году К.В. Иванова в Чувашии.

Çулталăк пуçламăшĕнче ЧНК делегацийĕ Константин Ивановăн тăван ялне - Слакпуçне кайса килчĕ. Силпи уçланкинче май уйăхĕн 22-23-мĕшĕсенче халăх пултарулăхĕн фестивальне ирттерĕпĕр.

Вĕре çĕлене хăй куçĕпе хăй курнă çын мĕн каласа пани кăсăклантарать-и сире/

Шупашкар çумĕнче аваллăх утравĕсем сыхланса юлнине ĕненме те йывăр. «Ĕмĕр пурăн - ĕмĕр вĕрен» кăна мар: «Ĕмĕр пурăн - ĕмĕр тĕлĕн».

Пукаш Тули мыскарисем хаваслă çамрăклăх хĕвелĕ нихăçан та пĕлĕт хыçне пытанманнине çирĕплетеççĕ.

«Самант» хăни - чрезвычайлă ситуацисен министерствинче ĕçлекен Алексей Николаев.

Крокодилсем суя куççуль тăкнине пурте пĕлеççĕ. Çывăх туссем те юлсах каймаççĕ вĕсенчен.

Вуламалли те, шутламалли те пур çĕнĕ номерте. Тусăмăрсем журнала алран ямасăр, пĕр чарăнми вуласа тухасса шанатпăр.

Куславккари 3-мĕш вăтам шкулта 11-мĕш класра вĕренекен Виктория Краснова «Хура тинĕс вутăшĕ» ята чăннипех те тивĕç. Маттур чиперккене çак хисеплĕ те асамлă ятпа мĕншĕн чысланин вăрттăнлăхне вара вулакан хĕр-упраçпа паллашнăçемĕн пĕлĕ.

Амăшне те хĕрхенмен. 5 стр.

"Пусси Райт" тата ытти ĕмĕрех кăмăлсăррисем. 6 стр.

Пирĕн инкек - эпир вĕренесшĕн мар!" 8-9 стр.

Февралĕн 25-мĕшĕнче Чăваш Ен Пуçлăхĕ Михаил Игнатьев Чăваш Республикин презентацине хутшăннă. Вăл Мускав хулинче Турци Республикин Раççей Федерацийĕнчи посольствинче иртнĕ.

Хаксем ахаль те пысăклансах пынă, ĕç укçи вара çав шайрах юлнă чухнехи условисенче ку хыпар, паллах, кăмăллăскер мар, анчах ăна пĕлтермех тивет: пассажирсене илсе çÿрекен транспортпа çÿремелли хаксем те ÿсеççĕ. Республика Правительствин юнкунхи ларăвĕнче ку тема тĕп ыйтусен шутĕнче пулчĕ.

Ыйту çивĕчлĕхне, паллах, Министрсен Кабинетĕнче те ăнланаççĕ. Ахальтен мар ĕнтĕ Иван Моторин премьер та, ларăва ертсе пынăскер, çаплах каларĕ: «Тема - социаллăскер, çавăнпа та халăх хушшинче тивĕçлĕ ăнлантару ĕçне йĕркелемелле».

ЧР Патшалăх Канашĕн Экономика политики, агропромышленноç комплексĕпе экологи комитечĕн черетлĕ ларăвĕ Красноармейски районĕнче вырнаçнă строительство керамикин «Кетра» заводра иртрĕ. Вице-спикер, асăннă Комитетăн председателĕ Олег Мешков палăртнă тăрăх - ларăва кунта ирттерни сăлтавсăр мар: ЧР Патшалăх Канашĕн депутачĕ, «Акционерсен «ТУС» хупă обществи» строительство компанийĕн генеральнăй директорĕ Н.Ф.Угаслов пушă уйра 2 çул хушшинчех тĕнче шайĕнчи çĕнĕ завод хута ячĕ. Николай Угаслов тĕслĕхĕ - çĕнĕ Раççей историйĕнче Чăваш хутлăхĕнчи яллă вырăнта çĕкленĕ пĕрремĕш завод.

Пуçлăх хăй ертсе пыракан предприятие «куç хывнине» хурлама çук-ха, анчах вăл ăна ярса илесшĕн пулнă-çке. Уголовлă ĕç çуралнă. Следстви комитечĕн Чăваш Енри управленийĕн уйрăмах пĕлтерĕшлĕ ĕçсене тĕпчекен 1-мĕш пайĕ ăна тĕпчесе пĕтерни çинчен пĕлтерет.

Эпĕ ăна палламастăп та, пĕлместĕп те. Апла пулин те унăн çăмăл мар шăпи пирки илтсен çула тухма васкарăм. Темех туса пулăшаяс çук пулин те хăть çитсе курасчĕ, калаçса ларасчĕ терĕм. Тепĕр чухне палламан çынна чуна уçни те пулăшаканччĕ.

- Николай Нилович, эсĕ директор та, политик та, композитор та, юрăç та, патшалăхăн тĕрлĕ комиссисен членĕ те. Калаçăва, çапах та, санăн тĕп ĕçÿнтен - Чăваш патшалăх филармони директорĕнчен - пуçлар-ха.