Ывăлĕшĕн паракан пособи укçине паян та куççуль витĕр илчĕ Нина Георгиевна Сергеева. Пÿрте кĕрсен те алли çаплипех чĕтрерĕ, куçĕ хуралса килнĕрен вăйĕ пĕтнине туйрĕ, кресло çине ларчĕ. Нухрата сĕтел çине хучĕ...
Тăван çĕршывăн Аслă вăрçи вăхăтĕнче 11 пин те 38 çын Совет Союзĕн Геройĕн ятне тивĕçнĕ. Паллах, ку мăнаçлантаракан цифра. Фашистла Германие çапса аркатнинче вĕсен тÿпи, паллах, капашсăр пысăк. Çĕршыври чи сумлă ята илнисенчен пĕри - Улатăр хулинче çуралса ÿснĕ Валентин Ветвинский.
Килти хуçалăхсенче кăвакала час-часах тĕл пулатпăр. Перекетлĕ хурсенчен те ытларах пулĕ, тен. Мĕнпе илĕртет-ха кăвакал? Кăвакал - хитре кайăк, хăвăрт ÿсет. Ăна усракансем çемьене паха, тин çеç хатĕрленĕ какайпа кулленех тивĕçтерсе тăма пултараççĕ.
Çамрăк улмуççисене пĕлтĕр хĕле кĕреспе пластик савăтсене касса чĕркенĕччĕ. Кăшлакан чĕрчунсенчен хÿтĕлеме пулăшрĕ-ха вăл, анчах çамрăк вулăшăн аванах маррине асăрхарăм: çуркунне йывăррăн вăй илчĕç улмуççисем. Хĕллене мĕнпе чĕркемелле-ши вулăна?
Валерий ИЛЬИН.
Шăмăршă районĕ.
Диетологсем çирĕплетнĕ тăрăх, пулă пирĕн рационра эрнере икĕ хутран кая мар пулмалла. Пулăра этем организмне кирлĕ япала питĕ нумай. Тĕслĕхрен, шăла пулăра /судак/ белок виçи чăх ашĕнчинчен те нумайрах, сазанра вара белок виçи ĕне ашĕнчинчен те ирттерет. Кальципе фосфор виçи пулăра иçĕмпе курагаринчен 40: ытларах. Чи хакли, çапах та, пулăра Омега-3 текен çуллă йÿçек. Вăл эпир çиекен ытти çимĕçсенче пачах та çук тесен те йăнăш мар. Çуллă йÿçек Омега-3 чĕре тата юн çаврăнăш ĕçне тĕрĕс йĕркелесе тăма кирлĕ. Вăл юнри холестерин шайне чакарать, атеросклероза аталанма памасть.
Шупашкар хулин 3-мĕш ача-пăча больницинче ĕçлекен пултаруллă çамрăк специалистсен йышĕнче Николай Иванова та ырăпа палăртаççĕ. Вăл Чăваш патшалăх университечĕн медицина факультетĕнчен вĕренсе тухнă. Николай Евгеньевич - рентгенолог, ачасен сывлăхне тĕплĕ тĕрĕслес тĕлĕшпе яваплăха туйса тăрăшать.
Кирек мĕнле чей, хури те, симĕсси те усăллă. Вăл витаминсемпе пуян, организмри тĕрлĕ физиологи процесĕсене йĕркелесе тăрать, пĕтĕмĕшле сыватакан витĕм кÿрет.
Виçене пĕлмелле
Анчах пĕтĕмпех виçеллĕ пулмалла. Чейре кофеин нумай мар, çапах та ытлашши ĕçсен психика, ăс-тăн, вăй-хал пултарулăхĕн хăватне çĕклеме, чĕре таппине хăвăртлатма, юн пусăмне ÿстерме çителĕклĕ.
Кунăн иккĕмĕш çурринче çăра чей ĕçни тĕрлĕ кăлтăкпа палăрма пултарать. Уйрăмах аслă çулсенчи çынсен сывлăхĕшĕн сиенлĕ.
Чăвашла верси
Русская версия
