Чăвашла верси
Русская версия
6 Юпа, 2016
Микроволновка пулaшнипе
Микроволновкăпа усă курма меллĕ. Мĕн те пулин ăшăтса илмелле-и — йăпăртах. Унпа хуçалăхра ытти тĕллевсемпе те усă курма пулать.
Тĕпелте чухне
11 Çурла, 2016
Крыжовникпа апельсинран — варени
Варени пĕçерме крыжовникăн тĕрлĕрен сорчĕ юрать. Симĕсси е хĕрлĕрех питли, е ылтăн тĕсли — пурпĕрех. Кирлĕ пулать: 1 кг крыжовник, 2 апельсин, 1 кг сахăр песукĕ.
Крыжовника суйламалла, çумалла, типшĕнтермелле те вĕçĕсене татамалла. Çырлана авăртмасăр тата авăртса варени тума пулать. Чăмăрлах пĕçерес тесен крыжовника йĕппе е шĕвĕр çĕçĕ вĕçĕпе шăтарса тухмалла. Кун пек тусан çырла варенире пĕрĕнсе илемсĕрленмест.
2 Çĕртме, 2016
Хворост — минераллă шывпа
Хворост пĕçерме кирлĕ: газлă минераллă шыв — 1 стакан, çăнăх — 350-400 г, 1 апат кашăкĕ песук, 400 г тип çу, 2-3 чĕптĕм сахăр çăнăхĕ /пудра/.
Минераллă шыва чашăка яратпăр, унта алланă çăнăх, сахăр песукĕ, пĕчĕккĕн хушса чуста тăватпăр. Вăл йĕтĕрлеме лайăх пултăр. Чустана çÿхен сарса тăрăхла тăваткалсем /3х10 см/ туса касатпăр. Кашнинех варрине кăштах çуратпăр та тăваткалăн пĕр вĕçне çав шăтăкран чиксе тавăратпăр.
26 Çу, 2016
Тăпăрчă хăпартлăвĕ
Кирлĕ япаласем: 5 çăмарта, 500 г тăпăрч, 100 г хăйма, 1,5 стакан сахăр песукĕ, 2 апат кашăкĕ çĕрулми крахмалĕ, 1 пĕчĕк пачка ваниль сахăрĕ.
Хăпартлăва духовкăра та, мультиваркăра та пĕçерме пулать. Ĕç йĕрки: çăмарта шуррине сарринчен уйăратпăр, шуррине холодильника, саррине тăпăрчпа, крахмалпа, хăймапа, ванилинпа хутăштаратпăр. Хутăша блендер чашкине хурса кăпăшлантармалла, çăмарта шуррине те, уйрăммăн, шурă кăпăк пек пуличчен кăпăшлантармалла, унтан сахăр песукĕ хушмалла та вăл ирĕлсе пĕтичченех çавăрмалла.
15 Юпа, 2015
Пулă апачĕ усăллă
Диетологсем çирĕплетнĕ тăрăх, пулă пирĕн рационра эрнере икĕ хутран кая мар пулмалла. Пулăра этем организмне кирлĕ япала питĕ нумай. Тĕслĕхрен, шăла пулăра /судак/ белок виçи чăх ашĕнчинчен те нумайрах, сазанра вара белок виçи ĕне ашĕнчинчен те ирттерет. Кальципе фосфор виçи пулăра иçĕмпе курагаринчен 40: ытларах. Чи хакли, çапах та, пулăра Омега-3 текен çуллă йÿçек. Вăл эпир çиекен ытти çимĕçсенче пачах та çук тесен те йăнăш мар. Çуллă йÿçек Омега-3 чĕре тата юн çаврăнăш ĕçне тĕрĕс йĕркелесе тăма кирлĕ. Вăл юнри холестерин шайне чакарать, атеросклероза аталанма памасть.
