Республикăри тĕрме-колонири 1,5 пине яхăн çынран /вĕсенчен 879-шĕ - хĕрарăмсем, 257-шĕ - ВИЧ-инфекципе чирленисем/ 570-шĕ - наркомансем, наркотикпе усă курнă çынсем. Çак цифрăсене Чăваш Республикин Наркотиксемпе кĕрешекен комиссийĕн юн кун ЧР Пуçлăхĕ Михаил Игнатьев ертсе пынипе иртнĕ ларăвĕнче Федерацин айăплава пурнăçлакан службин республикăри управленийĕн пуçлăхĕ Алексей Нецкин пĕлтерчĕ.
Чăваш Республикин Пуçлăхĕ Михаил Игнатьев патшалăх тата муниципалитет пулăшăвĕ кÿрекен нумай функциллĕ центрсен /НФЦ/ сечĕсене аталантарас ыйтупа РФ Правительствин Председателĕ Дмитрий Медведев телекурав мелĕпе ертсе пынă конференцие хутшăнчĕ.
Раççей премьер-министрĕ çĕр-шыв субъекчĕсемпе тÿрĕ çыхăнăва кĕчĕ. Халăха тĕрлĕ справка, документ илмешкĕн черетре тăрса нумай вăхăт çухатасран çăмăллăх туса парас тĕллевпе НФЦсене хута яни тĕп тĕллев пулнине палăртрĕ.
РФ Федераци Пухăвĕн Федераци Канашĕнче юпа уйăхĕн вĕçĕнче Чăваш Республикин кунĕсем иртнĕ май çĕр-шыв парламенчĕн çÿлти палати Чăваш Ене пырса тивекен тивĕçлĕ йышăну кăларасси пирки эпир пĕлтернĕччĕ. Парламентарисем вăрах кĕттермерĕç, чÿк уйăхĕн 20-мĕшĕнче Федераци Канашĕн председателĕ Валентина Матвиенко «Чăваш Республикин социаллă пурнăçпа экономика аталанăвне патшалăх енчен пулăшасси çинчен» йышăнăва алă пуснă.
«Шкулта вĕреннĕ чухне кашни çулах çĕр-çĕр йывăç-тĕм лартаттăмăр. Халĕ те уйăхлăхсем ирттереççĕ. Çаксене шута илсен йывăç лартмалли лаптăксем юлмалла та мар пек ĕнтĕ. Шел те, ялсем çаплах çап-çара-ха. Парксемпе скверсем район центрĕсенче кăна пăттăн-паттăн курăнкалаççĕ. Вĕсем те тирпейлĕхпе, кану вырăнĕсемпе палăрса тăмаççĕ. Ĕçкĕçсемшĕн вара чăн-чăн хăтлăх.
ЧР Журналистсен союзĕ 2013 çулшăн республикăри журналистсен Çемен Элкер, Николай Никольский тата Леонид Ильин ячĕллĕ çуллен паракан премийĕсене илме тăратакан ĕçсене йышăнма пуçлани çинчен пĕлтерет.
ЧР Журналистсен союзĕн членĕсем - массăллă информаци хатĕрĕсенче, информаци агентствисенче, пресс-службăсенче, ытти медиа-тытăмра ĕçлекенсем - хăйсен ĕçĕсене тăратма пултараççĕ. Комисси 2013 çулта пичетленнĕ, теле- тата радиоканалсен эфирне тухнă, информагентствăсен лентисене вырнаçтарнă, уйрăм кĕнекен кăларнă ĕçсене тишкерме йышăнать.
Республика Пуçлăхĕ Михаил Игнатьев ĕнер экономикăна модернизацилес тата ăна çĕнĕ технологисемпе пуянлатас тĕлĕшпе ĕçлекен канаш ларăвне ирттерчĕ. Унта хутшăннисене бизнесăн экологи хутшăнăвĕсенчи яваплăхĕ енĕпе Чăваш Ен пĕлтĕр федерацин 83 регионĕ хушшинче пĕрремĕшсен вырăнне тухнине пĕлтерчĕ.
Чăваш Республикин 2014-2020 çулсем валли хатĕрленĕ "Чăваш Ен информаци обществи" патшалăх программине ЧР Министрсен Кабинечĕ чÿк уйăхĕн 27-мĕшĕнче ырланă. Унăн тытăмне 4 çум программа кĕрет.
Патшалăх программин тĕп тĕллевĕ - Чăваш Республикин экономика, социополитика, культура, общество пурнăçĕн ытти сферинче информаци тата телекоммуникаци технологийĕсене аталантарасси. Ăна пурнăçа кĕртни Интернетпа усă куракан кил хуçалăхĕсен шутне пысăклатма, патшалăх пулăшу ĕçĕсене электрон мелпе кÿрессин пахалăхне тата влаç органĕсен уççăнлăхне ÿстерме май парĕ.
Чÿк уйăхĕн юлашки кунĕнче Чăваш Республикин Пуçлăхĕ Михаил Игнатьев Тĕп çар округĕн йĕркелÿпе мобилизаци управленийĕн штабĕн ертÿçипе Александр Линьков генерал-майорпа тĕл пулнă. Ун хыççăн РФ Хĕç-пăшаллă Вăйĕсен Çар управленийĕн органĕсен çар учетне çÿллĕ шайра йĕркелес тĕллевпе ирттернĕ смотр-конкурсра мала тухнăшăн Чăваш Республикине Раççей Федерацийĕн Оборона министерствин вымпелне панă çĕре хутшăннă.
Чăвашла верси
Русская версия
1987 çулхи кĕркунне Кÿкеçри культура çуртĕнче кире пуканĕ йăтассипе чăваш халăх хаçачĕн «Хыпарăн» парнисене çĕнсе илессишĕн Пĕтĕм Раççейри IV турнир иртнĕ. 
Çакнашкал чĕнÿпе Федерацин наркотик çаврăнăшне тĕрĕслесе тăракан службăн Чăваш Енри управленийĕн кубокне çĕнсе илессишĕн 2001-2003 çулсенче çуралнă ачасен хушшинче дзюдо енĕпе турнир иртнĕ.
