Archive - Авăн 2015

Лицей никама та кирлĕ мар-и?

Ача чухнехи çылăх

Мускав тата Пĕтĕм Руç Патриархĕ Кирилл: Ун чухне эпĕ хама Турă аллине патăм

«Атте вăрçăра та пулнă. Концлагерьте те...»

Кивçурткассисем те паттăрлăхпа палăрнă

«Эпир тăван çĕре юрататпăр»

Шупашкар хула администрацийĕ 4-мĕш лицейре халăх итлевĕ ирттерчĕ. Сÿтсе явнă ыйту - Г.С.Лебедев ячĕллĕ наци лицей-интернатне, муниципалитетăн бюджет учрежденине, çĕнĕлле йĕркелессин малашлăхĕ.

Аллă çултан иртсен, хама питех те çирĕп сывлăхлă, вăй-халлă туйнă вăхăтра, шалкăм çапрĕ. Медицина чĕлхипе ăна «инсульт» теççĕ, тепĕр майлă - пуç мимине кĕрекен юн тымарне «тромб» текен япала пăкăласа хуни. Тăшмана та сунасах килмест ăна - çав тери хăрушă, тертлĕ, асаплă чир. Ара, юн çитменнипе пуç мими клеткисем вилеççĕ те - «компьютер» ванать: алă-ура ĕçлеме пăрахать е татах та йывăртарах - куç курми, хăлха илтми пулать хăшĕ-пĕрин, чĕлхе çĕтни те пулкалать. Пуç мими - хăйнеевĕрлĕ пульт та ĕнтĕ вăл.

Вырăс Православи Чиркĕвĕн Чăваш Митрополине августăн 1-2-мĕшĕсенче Мускав тата Пĕтĕм Руç Патриархĕ Кирилл килсе кайнă хыççăн унăн пурнăçĕпе тата шухăш-кăмăлĕпе кăсăкланакансем йышланчĕç.

Вăрмар районĕнчи Кавал ялĕ кашни кĕçнерникун Пысăк пасар иртнипе чапа тухнă. Çулсерен Питрав уявне палăртаççĕ кунта. Виçĕ çухрăмра вырнаçнă тутар ялĕнче вара сабантуй кĕрлет. Иртнĕ ĕмĕрĕн 20-мĕш çулĕсенче Кавал каччи Михаил Кудряшов час-часах вăйăра «Вали» ятлă тутар каччипе кĕрешнĕ.

Ылханлă вăрçă çулĕсенче Шупашкар районĕнчи Кивçурткассинчен те Хĕрлĕ Çар ретне 83 çын тăнă. Вĕсенчен 43-шне тăван кĕтесе чĕррĕн таврăнма пÿрмен. Пирĕн ялсем Смоленск облаçĕсенчи çапăçусенче, блокадăри Ленинградра, вут-çулăм айĕнчи Сталинградра, ытти çĕрте паттăрлăхпа тата хăюлăхпа палăрнă. Смоленск тăрăхĕнчи хаяр çапăçусене тăван ялăмăртан пиллĕкĕн хутшăннă, пĕри те вилĕмрен çăлăнайман.

"Ялхуçалăхăн та малашлăх пуррине, тăрăшса ĕçлесен унта та тупăш илме май килнине манăн хамăн ачамсене халĕ, вĕсем ÿснĕ вăхăтра, кăтартса-çирĕплетсе памалла. Çакна курса ĕненсен, кăсăклану çуралсан вĕсем хăйсем те ялтах юлас тейĕç.

Агроном ĕçĕ - пархатарлă

Ял çыннин нуши çаплах нумай-ха

Хресченшĕн çĕр-анне яланах пурнăç çăлкуçĕ пулнă. Çын çĕре мĕн чухлĕ юратса, чунне парса ĕçлет, вăл ăна çавăн чухлех ырлăх-пурлăх тавăрса парать.

Хресчене нихăçан та çăмăл пулман, анчах вăл пуçа усса нăйкăшман, йывăрлăхсемпе кĕрешме хал çитернĕ. Çанталăк япăх тăнă çулсенче те хĕл каçмалăх тырпул, çĕрулми, пахчаçимĕç туса илнĕ, выльăх ĕрчетнĕ. Унăн пурнăç шайне ÿстерес, ĕçне çăмăллатас тесе патшалăх сахал мар тăрăшать. Çивĕч ыйтусем вара çаплипех тăсăлса пыраççĕ. Ял çынни ăнланать ăна. Мĕн шухăшланине-палăртнине хăвăрт пурнăçлама май çук çав. Мускава та 900 çула яхăн тăваççĕ вĕт, ĕçĕ çавах вĕçленмест.